web counter
LEXO PA REKLAMA!

SHKARKO APP

App Store
Google Play

E fundit!

x

Traktet anti-amerikane të Fatmir Xhafajt

12 Maj 2024, 17:59, Politikë CNA

Njeriu që e pretendon veten si “babain” e Reformës në Drejtësi dhe si një nga mbështetësit më të mëdhenj të ambasadës amerikane në Tiranë, ka filluar prej javësh një lojë të pisët politike.

Në momentet kur ai dhe Erion Veliaj mësuan se SPAK do të godiste drejtorët më kryesorë të Bashkisë së Tiranës, të cilët kishin përgatitur një skemë korruptive të denoncuar dhe të mbrojtur nga Erion Veliaj, si asnjëherë më parë, Fatmir Xhafaj u vu në lëvizje.

Me kërkesën e Veliajt, kryeministri Edi Rama pranon një komision gjoja në emër të integrimit të Shqipërisë, për të kontrolluar institucionet e pavarura. Shumë prej tyre raportojnë në Kuvend, ka dhe një komision integrimi, ka dhe komisione parlamentare ku krerët e institucioneve të pavarura bëjnë raporte vjetor, por Xhafajt nuk i mjaftojnë këto.

Xhafaj kërkoi një komision tjetër, një komision të posaçëm, ne e quajtëm në fillimet tona komision “Ad-Hoc”. Qëllimi është të goditet SPAK-u, të kërkohet llogaridhënie, gjoja në emër të rrugës së integrimit drejt BE-së.

Traktet anti-amerikane të Fatmir Xhafajt
SPAK

E vërteta është se dokumenti i Fatmir Xhafajt nuk është gjë tjetër veçse një trakt anti-amerikan ndaj atyre që paguan qindra miliona euro për Reformën në Dejtësi.

Fatmir Xhafaj kërkon të kontrollojë një strukturë, e cila po lufton korrupsionin dhe nuk po e dëgjon këtë të fundit, pra nuk po mbyll dosjet e Erion Veliajt, por po arreston shumë zyrtarë të PS-së.

Traktet anti-amerikane të Fatmir Xhafajt
Fatmir Xhafaj dhe Erion Veliaj

Këtë shqetësim ai e ka shprehur edhe në Kryesinë e partisë, se SPAK nuk mund të jetë jashtë kontrollit. Një trakt anti-amerikan i përgatitur nga Fatmir Xhafaj, të cilin e kemi renditur në disa shkrime me pika, kemi reditur arsyet se përse ky dokument vlente më pak se një letër higjenike apo ishte një dokument anti-amerikan kundër SPAK-ut.

Fatmir Xhafaj po vazhdon, së fundmi në komisionin e ligjeve po përpiqet të shtojë influencën e tij kundër SPAK-ut, dhe për këtë kanë “marrë peng” edhe kryeministrin, të cilit ia kanë kërkuar këtë komision. Ky i fundit kishte dy zgjidhje, ose do t’jua jepte, ose do të krijonte një grup tjetër armiqsh brenda partisë së tij, të cilët mund t’i ushtronin një presion shumë të madh.

Në fakt, dhënia e këtij komisioni nuk tregon asgjë tjetër, Edi Rama ka nxjerrë përballë amerikanëve anti-amerikanët e vërtetë të Reformës në Drejtësi, ka nxjerrë përballë Fatmir Xhafajn, i cili nuk është as më shumë e as më pak, mbrojtësi i një afere hajdutësh në Bashkinë e Tiranës dhe mbrojtësi i të korruptuarve që SPAK-u po i nxjerr para drejtësisë.

Traktet anti-amerikane të Fatmir Xhafajt
Enver Hoxha dhe Fatmir Xhafaj

Ndaj dhe përgatit trakte, të cilat janë fletushka anti-amerikane të qarta, që në vetvete kërkojnë të ndalin luftën ndaj korrupsionit dhe këtë po bën Fatmir Xhafaj, asgjë më shumë sesa kaq.

Tashmë është i vendosur të ecë përpara, pasi dhe ai ka halle, vëllezër me probleme me drejtësinë, dhëndrin e ka pasur drejtor urbanistike në Tiranë, i duhet e ardhmja politike të cilën mendon se mund ta garantojë nga Erion Veliaj, ndaj është gati të bëjë gjithçka, edhe letra higjenike, edhe trakte amerikane dhe çdo gjë tjetër.

Por koha e Fatmir Xhafajt dhe “Babaleve” të tij ka marrë fund. Dhe nëse Xhafaj nuk e ka kuptuar, duhet të jenë institucionet e drejtësisë që duhet t’ia tregojnë se janë të palëkundura përballë tij, përballë Veliajt dhe përballë kujtdo tjetër që kërkon të marrë peng drejtësinë për interesa klienteliste dhe korruptive./ CNA





Lajmet e fundit nga