500 mijë euro për vizitën e Ramës në Athinë

12 Maj 2024, 11:00, Politikë CNA

500 mijë euro për vizitën e Ramës në Athinë

Edi Rama

Një takim partiak, një aktivitet politik i Edi Ramës si kryetar i PS-së, po zhvillohet sot në Athinë. Ka nga ata që janë krenarë, bravo Edi Rama, i theu në mes grekët, e kështu me radhë. Por nga ana tjetër, kryeministri ose PS-ja duhet t’i bëjnë publike shpenzimet për këtë aktivitet dhe burimin e këtyre të ardhurave.

Mbërritja e Ramës në Athinë

Sipas të dhënave, aktiviteti ka shkuar rreth 500 mijë euro, pra gjysmë milioni euro minimalisht, në të gjithë agjendën e tij. Përveç faktit se nga pas kryetarit të PS-së i kanë shkuar kryetarë bashkish, një ushtri me drejtorë që prej 2 apo 3 ditësh qëndrojnë në Athinë, Rama ka udhëtuar me charter, me avionin qeveritar që paguhet nga taksat e shqiptarëve dhe këto të gjitha bashkë janë kosto. Shto këtu sallën, foninë, ndriçimin, këngëtarët, regjinë dhe gjithçka tjetër.

Takimi i Ramës në Athinë/ Masa të shumta sigurie, e shoqërojnë 150 persona
11 Maj, 09:17

Janë rreth 200 veta që kanë shkuar pas Ramës me shpenzime marramendëse, me hotele me 5 yje, e gjithë eskorta e kryeministrit, drejtorë, kryetarë bashkish, sekretarë të partisë së PS-së, dhjetëra dhe dhjetëra persona të tjerë qëndrojnë prej disa ditësh në Athinë për të organizuar aktivitetin.

Takimi në Athinë

Nga njëra anë kryeministri shkon bën një takim me emigrantët dhe kjo është diçka krejt normale, por kur shkon kreu i PS-së duhet të bëhen publike shpenzimet. Nuk mund t’i paguajnë qytetarët shqiptarë dhe taksat e tyre as charter-at që të hipin gazetarë për të bërë papagallin apo për të shpallur triumfin e madh mbi Greqinë, si patriotë të mëdhenj që më në fund e mposhtën "Olimpin".

Takimi në Athinë

Se ka të tillë budallenj që e harrojnë shpesh shprehjen "Nacionalizmi është streha e fundit e maskarenjve" dhe disa nga këta maskarenj Edi Rama i ka pasur në charter për të folur dhe për të shkruar, të tjerë qëndrojnë në Athinë prej ditësh, hoteleve luksoze duke shpenzuar dhjetëra mijëra euro, por të gjithë duhet të kërkojnë të bëhet transparente shuma, sa ka kushtuar e gjithë agjenda.

Më pas CNA do të sjellë fakte dhe detaje, fatura dhe shpenzime, kostot e vërteta të saj, që nga avioni sa kushton për të fluturuar në Athinë dhe për t’u kthyer, stafi, personat që e kanë shoqëruar, drejtorët, kryebashkiakët dhe të tjerë njerëz që prej ditësh qëndrojnë në Athinë në hotele me 5 yje.

Momenti kur Rama mbërrin në Athinë

Më pas, qiraja e ambientit ku zhvillohet dhe kostot e tjera për organizimin e këtij aktiviteti, të cilat edhe pse është një takim politik i Partisë Socialiste, do t’i paguajnë qytetarët shqiptarë sepse Edi Rama shkon si kryeministër, në një aktivitet të partisë së tij.

Minimalisht, shqiptarët duan transparencë. Përtej krenarisë të flamujve kuqezi në një sallë në Athinë, e rëndësishme është sa u ka kushtuar taksave të shqiptarëve ky event që nga njëra anë mund të jetë spektakolar, por nga ana tjetër, dardha e ka bishtin mbrapa./CNA