web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacioni i SPAK-ut/ EMRAT e "kokave" të krimit që janë lëshuar urdhër-arreste

17 Maj 2024, 11:43, Kronika CNA
Megaoperacioni i SPAK-ut/ EMRAT e "kokave" të krimit që
SPAK

Që prej orëve të para të mëngjesit të sotëm, me urdhër të SPAK-ut, ku janë lëshuar 50 urdhër-arreste, po zhvillohen aksione blic në vend në disa qytete si Tiranë, Vlorë, Lezhë, Fushë-Krujë, Nikël, Kurbin, Shijak, Durrës. 

Operacioni për kapjen e kokave të krimit ka nisur në orët e para të së premtes, në bazë të urdhër-arresteve të lëshuara nga kreu i SPAK-ut, Altin Dumani, dhe prokurori Alfred Shehu. 

Nëpërmjet këtij megaoperacioni janë lëshuar urdhër-arreste për bandat kriminale që operojnë në Shqipëri dhe jashtë, si në trafik droge, vrasje e të tjera. 

Bëhet fjalë për sekuestrimin e dhjetëra miliona eurove të këtyre grupeve kriminale. Ende nuk ka një njoftim zyrtar nga SPAK-u për këtë megaoperacion.

Kontrollet

Urdhër-arreste janë lëshuar edhe për vëllezërit Astrit dhe Altin Avdylaj dhe Durim e Valter Bami, të cilët dyshohet se ndodhen në Dubai. Por policia ka zhvilluar kontrolle në banesat e tyre në Nikël të Fushë-Krujës. 

Ndërkohë në zonën e Freskut në Tiranë po kryhen kontrolle në banesat e Erlis dhe Leonard Dukës, armiq të Ervis Martinajt. 

Në qytetin e Lezhës kontrollet po vijojnë në lagjen ‘SMT’, ku kanë ushtruar kontrolle në një pallat dhe në Vlorë në banesën e Fatmir Hysenit (Doca).

Në Larushk të Fushë-Krujës është kontrolluar shtëpia e Albert Zajës, i dënuar me 19 vite burg nga Apeli i GJKKO-së për vrasjen e Shkëlzen Kastratit.

Në pranga ka rënë edhe biznesmeni nga Velipoja në Shkodër, Mir Bruli. Ky i fundit është i afërm i biznesmenit të arrestuar, Pëllumb Gjoka, i cili është i arrestuar si pjesë e dosjes “Metamorfoza”.

Ndërkohë, policia ka zbarkuar sot në Shkozet të Durrësit, për arrestimin e Ervis Doçit, i njohur ndryshe si Visi i Pojës.

Sakaq, urdhër-arreste janë lëshuar për Plarent Dervishajn dhe Indrit Doklen.

Në kërkim është shpallur edhe ish-deputeti i PS-së, Arben Ndoka. 

Disa nga emrat e personave që janë lëshuar urdhër-arreste:

1- Leonard Duka

2- Erlis Duka

3- Astrit Avdylaj

4- Altin Avdylaj

5- Valter Bami

6- Durim Bami

7- Endrit Dokle

8- Plarent Dervishaj

9- Arben Ndoka, ish-deputeti i PS-së

10- Xhevi Ndoka në burg, vëllai i ish-deputetit Arben Ndoka

10- Fatmir Hyseni

11- Albert Zaja, i dënuar për vrasjen e Shkëlzen Kastratit

12- Armando Ndreca, vëllai i deputetit të PS-së, Eduard Ndreca

13- Elvis Ndreca, djali i xhaxhait të deputetit të PS-së, Eduard Ndreca

14-Ergert Mitrin

15-Klodian Shahini

16-Altin Morinën

17-Lulzim Berisha/CNA 

 





Lajmet e fundit nga