web counter
LEXO PA REKLAMA!

SHKARKO APP

App Store
Google Play

Kapet "skifteri" në Tiranë, në 3 muaj vodhi 12 monopatina

15 Maj 2024, 12:02, Kronika CNA

Policia e Tiranës ka arrestuar 3 persona, F. D. (B.)., 30 vjeç, A. K., 20 vjeç, dhe J. F., 19 vjeç, të tre banues në Tiranë.

Nga hetimet ka rezultuar se 30-vjeçari me iniciale F.D. është autor i 12 vjedhjeve të monopatinave. Ndërsa shtetasit A. K., dhe J. F., kanë përvetësuar monopatinat e vjedhura.

Njoftimi i policisë:

Komisariati i Policisë Nr. 2, në vijim të punës për goditjen e paligjshmërive në fushën e vjedhjes së pasurisë, organizoi dhe finalizoi operacionin policor të koduar “Monopati 2”.

Dokumentohen me prova ligjore 12 vjedhje të kryera në zona të ndryshme të Tiranës.

Gjatë operacionit u arrestua shtetasi F. D. (B.)., 30 vjeç, dhe u proceduan në gjendje të lirë shtetasit A. K., 20 vjeç, dhe J. F., 19 vjeç, të tre banues në Tiranë.

Shtetasi F. D., është kapur në flagrancë duke vjedhur një monopatinë, në rrugën "Perlat Rexhepi", dhe gjatë kontrollit fizik shërbimet e Policisë, i gjetën dhe sekuestruan sasi lënde narkotike kokainë. Nga hetimet e kryera dyshohet se ky shtetas është autor i 11 vjedhjeve të monopatinave, të kryera gjatë periudhës mars-maj 2024, ndërsa shtetasit A. K., dhe J. F., kanë përvetësuar monopatinat e vjedhura.

Në vijim të veprimeve, gjatë kontrollit të banesës së shtetasit F. D., shërbimet e Policisë gjetën dhe sekuestruan, në cilësinë e provës materiale, dy monopatina të dyshuara të vjedhura.

Materialet i kaluan Prokurorisë./CNA 





Lajmet e fundit nga