E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Dokumenti që nxjerr zbuluar komisionin anti-SPAK

13 Maj 2024, 16:59, Editorial Elvi FUNDO

Raportimet për një komision anti-SPAK nga shumica qeverisëse tani nuk janë më vetëm në CNA. Shumica e mediave e pranuan këtë lëvizje të mazhorancës pas daljes publike të kryeministrit një javë më parë. Më tej procesin e avancoi Fatmir Xhafaj, enveristi i fundit që është bashkuar me grupin e 99-çave të Rilindjes për të udhëhequr sulmin ligjor të tyre ndaj SPAK-ut.

Pse Fatmir Xhafaj filloi luftën e hapur kundër SPAK-ut
13 Maj, 15:07

CNA ka sjellë në mënyrë ekskluzive dokumentin që Rilindasit u kanë çuar institucioneve diplomatike në Tiranë, një dokument që ne do ta analizojmë faqe për faqe.(LEXO KETU)

Që në hyrje të dokumentit, në faqen e tij të parë, thuhet se SPAK-u po e lufton në mënyrë progresive korrupsionin në nivelet e larta dhe pandëshkueshmërinë. Menjëherë lind pyetja pse duhet një komision apo ndryshime ligjore kundër SPAK-ut kur po e bën detyrën. Ndoshta Fatmir Xhafaj ka vendosur të luajë rolin e Shvejkut me ndërkombëtarët sipas variantit “ku di unë se çfarë bëj unë”. Gjithçka e keni të nënvizuar në fjalitë e paragrafit të dytë në faqen e parë të “Non papers”, dokument i çuar ndërkombëtarëve gjoja në emër të një reforme institucionale të thelluar për rrugën drejt BE-së.

Më tej shkruhet për shërbimet “online” dhe Shqipërinë si lider rajonal në shërbimet digjitale publike, shkruhet për e-albania, për transparencë, e kështu me radhë. Por sërish lindin disa pyetje. Skandalet e AKSHI-t dhe tenderët sekretë për klientët mediatikë të pushtetit janë pjesë e këtij procesi?

Më tej flitet për digjitalizim, por askush nuk i hyn në themel problemit me AKSHI-n, të prokurimeve pa tender apo ato sekretë, apo sulmet kibernetike që e nxorën zbuluar gjithë sistemin, ku shqiptarëve iu vodhën të dhënat e tatimeve, gjendjes civile, patentave etj., etj. Pra një sistem i tërë i vjedhur që askush nuk mbajti përgjegjësi.

Dhe ky është suksesi? Ku askush nuk mban as përgjegjësi politike e jo më të shpresojnë shqiptarët apo ndërkombëtarët për reformat e thelluara kur deri tani gjithçka ka dështuar. Skandalet e AKSHI-t dhe dështimet e tij nuk janë ilaçi kundër korrupsionit. Përkundrazi, përgjegjësia politike dhe institucionale janë parakushti për një politikë më të pastër.

Digjitalizimi është njëra anë, por siç na e tregoi vjedhja masive me kompaninë “5D”, ku emrat dhe fjalëkalimet i jepeshin kompanisë private të skualifikonte konkurrentët, ishte kulmi i digjitalizimit dhe sot sërish mbrohen me pathos nga kryebashkiaku Erion Veliaj dhe mediat e pushtetit.

Pse Fatmir Xhafaj kërkoi reformë mbi Reformën në Drejtësi
10 Maj, 11:39
Kundër kujt e mbrojti Fatmir Xhafaj sot Erion Veliajn?
9 Maj, 21:03

SPAK-u i kap dhe i çon përpara ligjit, Fatmir Xhafaj dhe Rilindasit bashkë me 99-çat e tyre çojnë të tilla dokumente te ndërkombëtarët.

Do të sjellim çdo ditë nga një analizë me nënvizime për çdo faqe të “NON PAPER”, përgatitur nga Fatmir Xhafaj dhe një grup juristësh të mazhorancës, për të kuptuar në thelb se çfarë synohet dhe si është përgatitur gjithçka./ CNA