web counter
LEXO PA REKLAMA!

SHKARKO APP

App Store
Google Play

E fundit!

x

SPAK, në aksion/ Orët e makthit të Erion Veliajt

17 Qershor 2024, 16:55, Aktualitet CNA
SPAK, në aksion/ Orët e makthit të Erion Veliajt
Fotomontazh - Kryebashkiaku Erion Veliaj, në sfond inceneratori i Tiranës

Kryebashkiaku Erion Veliaj po kalon orët e makthit të tij, përtej propagandës që bën në rrjetet sociale, duke u shfaqur si një njeri punëtor dhe shërbëtor i madh.

Erion Veliaj, njeriu i cili “kontrollonte” SPAK-un dhe i kishte b*let prej hekuri, tashmë ka filluar me tezat se e kanë tradhtuar prokurorët, se e kanë tradhtuar të tijët, por ai do t’ja dalë. 

Ai po shpërndan tezat se e ka të zgjidhur çështjen e inceneratorëve, por ka hall dosjen “5D”, nuk ka probleme me pasurinë, me hetimin e saj, por i ka gjërat e zgjidhura dhe këtë po ia bëjnë prokurorët për t’ja mbyllur e për t’ja pastruar figurën. (Lexo këtu)

SPAK, në aksion/ Orët e makthit të Erion Veliajt
Kryebashkiaku i Tiranës, Erion Veliaj. Burimi, LSA

Në fakt, atje ku ka hetime ka edhe skandale. Erion Veliaj ka një dasmë në kala me fiqtë e nënës, ka një dasmë në Tiranë apo një aheng që zgjati një javë, që pretendohet se ka kushtuar qindra miliona lekë. Burimi i të ardhurave nuk dihet. (Lexo këtu)

Gjithashtu, vëllai i tij nga viti 2015, kur Veliaj ka marrë detyrën si kryebashkiak, ka rritur të ardhurat me disa qindra herë, duke u bërë një nga kompanitë kryesore menaxhuese të reklamave. (Lexo këtu)

SPAK, në aksion/ Orët e makthit të Erion Veliajt
Arbër Veliaj, Ajola Xoxa dhe Erion Veliaj gjatë dasmës së kryebashkiakut. Foto e marrë nga Google

Nga ana tjetër, bashkëshortja e tij nga një juriste kthehet në një kuratore arti dhe mediat në Europë shpesh kanë shkruar se një nga mënyrat e pastrimit të parave është edhe kjo formë. Megjithatë kjo mbetet për t’u provuar nga prokurorët e SPAK-ut. (Lexo këtu)

Pak javë më parë u shtynë hetimet e inceneratorit të Tiranës me rreth 3 muaj dhe pritet që në ditët në vijim të kemi edhe rezultate konkrete nga këto hetime. Pra, që prokurorët e çështjes të fillojnë të shkojnë në gjykatë me të tjera masa sigurie, për të tjerë individë të përfshirë, për të tjerë drejtorë hajdutë të Erion Veliajt dhe deri te kryebashkiaku i Tiranës. Ndaj këtij të fundit duhet të gjendet përgjegjësia ligjore, pasi shpërdorimin e detyrës e di jo vetëm ai, e di jo vetëm Edi Rama, e dinë të gjithë shqiptarët, por kjo nuk mjafton për Erion Veliajn.

Është njësoj si t’i thuash gënjeshtar një mashtruesi që të akuzosh Veliajn thjesht dhe vetëm për një shpërdorim detyre, kur jemi përballë fakteve dhe provave konkrete se si kryebashkiaku i Tiranës është njeriu kryesor që ka shkatërruar Njësinë e Zbatimit të Projektit, se si drejtorët e tij kanë firmosur për dherat, se si ai ka përmendur të famshmen IFC për të aktivizuar inceneratorin e Tiranës, e kështu me radhë. (Lexo këtu)

Ndryshe nga “Elbasani dhe Fieri”, te Tirana kemi të bëjmë me një grup të strukturuar kriminal, i cili i ka të gjithë brenda, politikanë, kryebashkiakë, ministra, drejtorë, financierë, propagandë, media, të gjithë së bashku deri te goditja e SPAK-ut nëpërmjet mediave të paguara nga paratë e korrupsionit të inceneratorëve, nga paratë e aferës së inceneratorëve, të cilat janë derdhur lumë nëpër ekrane dhe nëpër portale për të goditur prokurorët dhe për të mashtruar opinionin publik apo për të ngritur skenare të rreme në lidhje me çështjen e inceneratorit të Tiranës. (Lexo këtu)

SPAK, në aksion/ Orët e makthit të Erion Veliajt
SPAK, burimi LSA

Tashmë SPAK është në aksion, janë ditët e fundit. Shumë shpejt do të kemi rezultate konkrete. Javën e shkuar u kontrolluan disa banesa nga BKH-ja me urdhër të prokurorit Dritan Prençi. Operacioni pritet të vazhdojë në ditët në vijim edhe me masa sigurie, të nxjerra nga gjykata për çështjen e inceneratorit të Tiranës, që afatet po i përfundojnë. (Lexo këtu)

Sa më shumë shkohet në afatet limit për të ngritur akuzat, aq më shumë shtohen orët e makthit për kryebashkiakun e Tiranës, Erion Veliaj, i cili në fakt vetëquhet zdroms. Më mirë sesa të digjet në inceneratorin që nuk ekziston Veliaj është djegur politikisht, por tani meriton edhe prangat për këtë aferë, të cilën ai e ka parë, e ka dëgjuar, e ka dirigjuar dhe e ka zbatuar./ CNA





Lajmet e fundit nga