web counter
LEXO PA REKLAMA!

SHKARKO APP

App Store
Google Play

Liqenet e Lukovës në Mokër të Pogradecit/ Rritet numri i vizitorëve vendas dhe të huaj

16 Qershor 2024, 13:25, Aktualitet CNA
Liqenet e Lukovës në Mokër të Pogradecit/ Rritet numri i
Zona e Mokrës, burimi LSA

Liqenet e Lukovës në Mokër të Pogradecit nga njëri vit në tjetrin tërheqin turistë vendas dhe të huaj. Më të shumtit ngjiten në këmbë deri në majë ndërkohë që ka dhe të tjerë që përdorin mjetet e tyre.

Edhe këto ditë turistët kanë qenë të shumtë nga Fieri, Korça, Tirana, por dhe qytete të tjera të cilët veç ecjes në natyrë bëjnë edhe plazh në liqenet akullnajore.

"Bëj shpesh udhëtime të tilla sepse më pëlqen natyra. Është hera ime e parë këtu për hiking dhe impresionet janë të mrekullueshme, uji, burimet, por edhe bimësia shumëngjyrëshe e në fund ishin liqenet fantastike këtu", u shpreh një turiste. 

Gani Bego është një nga më të apasionuarit pas turizmit malor. Së bashku me një grup banorësh të zonës kanë dhe mbështetjen e Giz, kanë bërë shenjimin e gjithë shtegut nga Bishnica në Liqenet e Lukovës për të lehtësuar lëvizjet e turistëve.

"Është një shteg rreth 8 km i gjatë. Shënuam me shenja horizontale sipas Ministrisë së Turizmit, grupet turistike i ndjekin pa praninë e një guide lokale. Kryesisht pjesa më e madhe e turistëve janë vendas, vijnë edhe në stinën e dimrit, nuk mungojnë as turistët e huaj, amerikanë, francezë, nga gjithë vendet e botës ka interes për ta vizituar liqenet e Lukovës", tha ai. 

Për të lehtësuar lëvizjet e turistëve në zonat e trashëgimisë së kulturës përfshi këtu edhe varret monumentale të Selcës, Urën e Golikut, por dhe fshatra të njohura të krahinës së Mokrës, Bashkia e Pogradecit në bashkëpunim me të apasionuarit pas sporteve të aventurës po bëjnë bërë shënjimin e të gjitha shtigjeve malore./CNA





Lajmet e fundit nga