LEXO PA REKLAMA!

SHKARKO APP

Denoncimi: Veliaj klienti-PRONAR i inceneratorit të Tiranës

8 Janar 2024, 13:53, Denoncim CNA
Denoncimi: Veliaj klienti-PRONAR i inceneratorit të Tiranës
Kryebashkiaku i Tiranës, Erion Veliaj

Një denoncim i fortë është bërë këtë të hënë për kryebashkiakun e Tiranës, Erion Veliaj.

Anëtari i Kryesisë së PD-së, Belind Këlliçi, denoncoi në një deklaratë për shtyp se njerëzit e inceneratorit të Tiranës kanë financuar fushatën elektorale të Veliajt në zgjedhjet e vitit 2019.

Sipas tij, Veliaj ka marrë nga kompania e inceneratorit të Tiranës shumën prej 1 milion eurosh për zgjedhjet vendore.

“Erion Veliaj është i vetmi që si pronar i janë dhuruar nga paratë e inceneratorit të Tiranës, në zgjedhjet e vitit 2019”, theksoi ish-deputeti.

Sipas tij, ky nuk është i vetmi përfitim që kryebashkiaku socialist ka marrë nga inceneratorët.

Ai pretendoi se njerëzit e inceneratorëve kanë paguar një faturë 300 mijë euro për të marrë makina në favor të Policisë Bashkiake.

Denoncimi i plotë:

Tashmë kemi hyrë në muajin e katërt të komunikimit tonë intensiv me strukturën e SPAK-ut, në lidhje me aferën e shekullit, atë të inceneratorit fantazmë të Tiranës, i cili ende vijon të vjedhë çdo ditë para nga taksat tuaja, plot 120 milionë euro deri më sot.

Në lidhje me denoncimet dhe publikimet e fakteve të pakontestueshme nga ana jonë, pronari real i kësaj sipërmarrje korruptive, kryetari i Bashkisë Tiranë Erion Veliaj, ka reaguar vetëm një herë, pas arrestimit të krahut të tij të djathtë, Taulant Tushës, të cilin Veliaj e bëri kurban për të shpëtuar lëkurën e tij.

Ju ftoj të ndjekim një sinkron të shkurtër nga intervista e Veliajt dhënë gazetarit Sokol Balla 1 muaj më parë.  

Denoncimi: Veliaj klienti-PRONAR i inceneratorit të Tiranës

Pra siç e shihni të nderuar qytetarë, Erion Veliaj pretendon se është një nga 5 klientët e biznesit korruptiv të inceneratorit të Tiranës. Por faktet tregojnë të kundërtën. Erion Veliaj është pronari real.

Erion Veliaj është i vetmi që si pronar jep urdhra se cila kullë duhet të paguajë për depozitimin e inerteve dhe cila jo. Kujtojmë këtu e-mailet për kompaninë Arlis Ndërtim, pronari i së cilës ka ndërtuar 7 kate pa leje përballë zyrës së kryebashkiakut. E-mailet për kullën pas Sahatit. E-mailet për Teatrin Kombëtar.

Erion Veliaj është i vetmi që si pronar i janë dhuruar 1 milionë euro nga paratë e Inceneratorit të Tiranës, në zgjedhjet e vitit 2019.

Erion Veliaj është i vetmi që si pronar, inceneratori i paguan një faturë 300.000 euro për të marrë makina në favor të Policisë Bashkiake.

Erion Veliaj është i vetmi që si pronar vendosi të gjithë strukturën e Bashkisë Tiranë në shërbim të biznesit të dherave, strukturë e cila përdori tri lloje policish, Policinë e Shtetit, Policinë Bashkiake dhe Policinë Private të Agron Malajt, për të persekutuar dhe gjobitur të gjithë ndërtuesit e Tiranës dhe jo vetëm.

Të nderuar qytetarë,

I vetmi përfitues në këtë megaaferë është kryebashkiaku Erion Veliaj.

Kemi hyrë tashmë në vitin e katërt të hetimeve për këtë çështje, kemi depozituar pranë SPAK me qindra faqe dhe dokumente, ndaj sërish sot i bëjmë thirrje SPAK-ut të veprojë në mënyrë urgjente duke ndalur këtë vjedhje, duke anuluar këtë kontratë korruptive dhe të vendosë sa më parë përpara përgjegjësisë ligjore, pronarin e vërtetë të inceneratorit të Tiranës, Erion Veliajn.

Nga sot përgjegjës për çdo qindarkë abuzim me këtë kontratë, janë dhe prokurorët të cilët me mosveprimet e tyre, po e lejojnë këtë vjedhje flagrante të ndodhë.

Faleminderit!/ CNA

 

Lajmet e fundit nga