Banorët ankohen nga 2019-a për zhurmën e lavazhit/ Administratori: Institucionet s'e quajnë problem

4 Janar 2024, 22:27, Denoncim CNA

Banorët ankohen nga 2019-a për zhurmën e lavazhit/

Në lagjen 5 në Durrës, në bllokun e banimit, ndodhet një lavazh, i cili në vitin 2019, kur nisi aktivitetin, u pajis me leje të tipit C që jepej nga Ministria e Mjedisit, Agjencia e Mjedisit. Sot është institucioni vendor që bën monitorimin e parametrave, merr masa, vendos gjobat apo mbledh taksat.

Njëri prej banorëve ankohet, se ky subjekt në fjalë, prej vitit 2019 e deri më sot, është kthyer në një shqëtësim sepse shkakton zhurma.

Denoncuesi: Bëhet fjalë për një lavazh makinash, i cili ka filluar aktivitetin mbi 5 vjet përpara. Në vitin 2019, ne si banor, kemi filluar ankesat në Bashkinë Durrës dhe në institucione të tjera, siç është: ISHMPUT-ja, DRM-ja, AKM-ja.

Gazetari: Për çfarë arsyeje?

Denoncuesi: Për zhurmat. Për zhurmat që gjeneron steka dhe lavazhi. Ky subjekt e nis aktivitetin në orën 8 të mëngjesit dhe mbaron në orën 7 të mbrëmjes. Në shtëpi nuk rrimë dot me penxheren hapur; ose të hapim penxheret për të ajrosur shtëpinë sepse nuk rrimë dot. Kemi dhe njerëz që rrinë gjithë ditën në shtëpi, nuk rrinë gjithë ditën në punë dhe nuk durojnë zhurmat. Ne nuk rrimë në shtëpi, rrimë me penxhere të mbyllura, jo më të dalim këtu deri në orën 7 të pasdites. Mbas orës 7 dalim!

Problem për zhurmat ka pasur dhe ka edhe një shkollë që ndodhet pranë lavazhit.

Shkolla: Zhurma, lëre për familjarët, por për fëmijët?! Ne u ankuam gjithandej, deri në Tiranë, deri në ministri. Jem edhe ne banorë, banojmë sipër. Mbyllin penxheret kalamajtë dhe kondicionerët nga ora 7:30-16:00, nuk pushojnë. Po t’i hapësh penxheret, larg qoftë nuk fillon Covid-i…

Administratori i subjektit shprehet se institucionet i thonë se është në rregull, ndërsa banorët ankohen. Në këto kushte, ai thotë se nuk di çfarë zgjidhje t’i japë problemit.

Administratori i subjektit: Shkoj nëpër institucione, institucionet thonë: “Je në rregull”. Banorët thonë: “Më shqetëson!”. Bëhet matja dhe shihet sa decibel është.

Gazetari: Dhe është bërë në vitin 2019 apo jo, nga Instituti i Shëndetit Publik, ku ka qenë tej normave apo jo? Më lart seç duhet?

Administratori i subjektit: Nuk e di këtë “më lartë”. Mua nuk më rezulton ashtu, kupton? Në qoftë se është, hajde ta bëjmë prapë, në qoftë se ashtu, t’i japim drejtim./ tvklan