LEXO PA REKLAMA!

SHKARKO APP

Mashtrimi i përmbaruesit: Qytetari merr pas 9 vitesh dëmshpërblimin për burgun që e bëri padrejtësisht

3 Janar 2024, 22:08, Denoncim CNA

Mashtrimi i përmbaruesit: Qytetari merr pas 9 vitesh

Përmbaruesi Pjetër Caka e mashtroi gjatë qytetarin Skënder Arapi, në një kohë që duhe të ekzekutonte vendimin dhe qyetari të merrte paratë e burgut të bërë kot. Gazetari i emisionit “Stop” u përball me përmbaruesin, pasi doli nga Ministria e Financave, duke i vënë në dukje, se në kaq kohë, duhet të kishte bllokuar llogarinë e Ministrisë tek Thesari dhe më pas t’i drejtohej gjykatës, për ta gjobitur Ministrinë.

I gjendur ngushtë, Pjetër Caka thotë, se Ministria ka një problem me vendimin e Shkallës së Parë, por ky justifikim është absurd, pasi Skënderi ka marrë vendimin e Apelit, që është i ekzekutueshëm.

Pjetër Caka: Vendimi i Gjykatës së Shkallës së Parë që zotëria na ka vënë në dispozicion nga Zyra e Përmbarimit ka një mangësi dhe unë do ta kontrolloj…

-Po çfarë lidhje ka vendimi i Gjykatës së Shkallës së Parë kur ne kemi Apelin?!

Pjetër Caka: E kërkon pra Ministria e Financave.

-A mund të shkojmë ta sqarojmë bashkë që të paktën t’i zgjidhim dhe problemin Skënderit?

Pjetër Caka: Unë po shkoj të marr dosjen.

-Do shkojmë bashkë se zotëria ka 9 vjet, janë lekë burgu. S’mund të talleni me profesionin që ju keni.

Recepsioni i Ministrisë së Financave: Zotëria e ka marrë një përgjigjie, do ju drejtohemi me shkresë. Përmbaruesi është sqaruar.

Pjetër Caka: Dispozitivi te vendimi i Shkallës së Parë nuk është i rregullt.

-Cila është parregullsia?

Pjetër Caka: Unë duhet të shoh dosjen te zyra për çfarë problematike mund të ketë.

Më pas, përmbaruesi Caka kërkoi një javë kohë për marrjen e parave.

Pjetër Caka: Dosja ka ngelur vetëm për një…të ekzekutohet. Sepse më tha dua dhe faturën nga financierja.

-S’të kuptoj!

Pjetër Caka: Financierja te Ministria e Financave më tha dua dhe faturën.

-Kë faturë?

Pjetër Caka: Në rastin konkret kur kalon shuma është një faturë që e presim ne si institucion. Brenda javës tjetër po…(Për ekzekutimin e vendimit)

-Ok gjithë të mirat, punë të mbarë!

Pas këtij afati, Skënder Arapi mori më fund paratë, që i takonin. (2 milionë lekë të vjetra)

Skënder Arapi: Faleminderit ju zoti Genci, faleminderit emisionit “Stop”, jeni heronjtë e këtij kombi. Po të mos ishit ju unë nuk do t’i kisha marrë këto para./tvklan.al

Lajmet e fundit nga