web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, në sulm ndaj SPAK-ut/ Merr Xhafajn dhe del në takime elektorale

22 Qershor 2024, 18:04, Politikë CNA
Veliaj, në sulm ndaj SPAK-ut/ Merr Xhafajn dhe del në takime
Erion Veliaj dhe Fatmir Xhafaj, takim në njësinë 10 në Tiranë

Erion Veliaj vazhdon lojën, intrigat, përplasjet me SPAK-un, Strukturën e Posaçme, e cila ka hapur një sërë dosjesh ndaj kryebashkiakut të Tiranës.

Prokurorët e SPAK-ut kanë arrestuar, thuajse të gjithë kupolën drejtuese dhe bashkëpunëtorët kryesorë të Erion Veliajt, si hajdutë, drejtorët më kryesorë të institucionit. Gjithashtu, kanë hapur dosje hetimore për inceneratorët, ku sërish drejtorët e tij janë përfshirë në aferë.(LEXO KETU)

Një dosje tjetër hetimore është për shembjen e teatrit, për ndërtimet. Gjithashtu, SPAK po heton edhe pasurinë e Erion Veliajt dhe familjarëve të tij.(LEXO KETU)

CNA ka vëzhguar aktivitetet e fundit të Erion Veliajt, kryesisht me strukturat e Partisë Socialiste, për t’iu thënë prokurorëve të SPAK-ut se ai ka një mbështetje politike, pas braktisjes që i ka bërë kryeministri Rama, i cili e pret dhe në foto, nuk e nxjerr më asgjëkund. Dhe, sot Erion Veliaj ka bërë një sulm të hapur ndaj SPAK-ut. Ka dalë me Fatmir Xhafajn në një takim elektoral te Njësia 10.

Për çfarë arsye bëhen takimet elektorale në mes të vapës, ditën e shtunë, në orën 16:00, në 40 gradë?

Veliaj, në sulm ndaj SPAK-ut/ Merr Xhafajn dhe del në takime
Erion Veliaj dhe Fatmir Xhafaj, takim elektoral në Njësinë 10 në Tiranë

Këtë, mund ta dijë vetëm halli i madh i Erion Veliajt me SPAK-un. Dhe, për më tepër, me Fatmir Xhafajn e Komisionit të Posaçëm, që fillimisht, ne e kemi quajtur “Komisioni Anti-SPAK”, një strukturë e dështuar, e lindur e vdekur, të cilën Erion Veliaj e përdori për të krijuar një sulm, një çoroditje të SPAK-ut, pas veprimeve të këtij institucioni kundër kryebashkiakut të Tiranës, por mesa duket dështimi i Veliajt është i pandalshëm.

Hetimet po thellohen. Në ditët në vijim priten rezultate, ndërkohë që Veliaj merr Enveristin e fundit dhe del e mban leksione për PS, për ikonat e PS, të cilët në fakt ishte Erion Veliaj që i hoqi nga pushteti në vitin 2005, me MJAFT-in e tij dhe më pas me 99-çat. (LEXO KETU)

Erion Veliaj vetë vlen më pak se një qime floku ndoshta e Erion Braçes, por me votat e PS-së, patjetër që mund të pretendojë që është i madh. E vërteta është se, Erion Veliaj vetë me një subjekt të tijin nuk mori dot vota sa të nxirrte një mandat deputeti në Shqipëri në vitin 2009.

Ndërkohë që në vitin 2005, për gati 2 vite ai zhvilloi një aktivitet të çmendur kundër socialistëve, pikërisht kundër Servet Pëllumbit, kundër Fatos Nanos, kundër Fatmir Xhafajt, kundër të gjithë socialistëve për t’i rrëzuar nga pushteti dhe sot po kërkon të mbrohet nga ata, po kërkon të mbrohet nga PS, po kërkon të mbrohet nga logoja PS-së pasi e ka përdorur këtë logo për t’u zgjedhur kryetar bashkie dhe më pas në emër të asaj logoje ka marrë 99-çat e tij Mjaft-istët e tij të cilët janë kapur hajdutë ndërkohë që Erion Veliaj vazhdon të rrijë i qetë dhe të ushtrojë detyrën si kryetar bashkie.(LEXO KETU)

Veliaj, në sulm ndaj SPAK-ut/ Merr Xhafajn dhe del në takime
Foto nga protestat e Veliajt

Pra, kryetari i organizatës së hajdutëve përdor logon e PS-së, merr dhe Fatmir Xhafajn për të treguar se është i fortë, është i paepur, askush nuk e mund dot, nuk ka ç’i bën askush, kur në fakt është thjeshtë dhe vetëm kryetari i organizatës së hajdutëve, të cilët janë një grup 99-çash që kanë shkatërruar PS-në me vjedhjet dhe abuzimet e tyre, duke ia lënë faturën dhe koston PS-së dhe tani kur janë përballë prangave, në grahmat e fundit, bërtasin me logon, përdorin dhe një enverist me shpresën se do t’i shpëtojë./CNA

 





Lajmet e fundit nga