web counter
LEXO PA REKLAMA!

SHKARKO APP

App Store
Google Play

E fundit!

x

SPAK të na thotë, KUSH?

14 Shtator 2023, 13:25, Editorial CNA
SPAK të na thotë, KUSH?
SPAK

Çështja e inceneratorëve po kthehet gjithmonë e më shumë në një serial ku skenaristët dhe regjisorët, që janë shumë e shtohen pas çdo pjese, duan të fshehin sa më gjatë finalen, të cilën e duan të lumtur, por që skenari po u bëhet gjithnjë e më tragjik.

E në rast se dikush do të kuptojë të vërtetën e inceneratorëve, përtej asaj që kemi parë deri tani, si akuza nga SPAK-u, ku janë përfshirë disa zyrtarë, ish-ministri i Mjedisit dhe ish-sekretari i tij i përgjithshëm, apo deri tek akuzat për hotelet e Arben Ahmetajt dhe lidhjet me Mirel Mërtirin, afera e inceneratorëve me vlerë mbi 1 miliard euro ka ende shumë të panjohura dhe SPAK-u, ende s’ka shkuar deri në fund.

Njëra palë përpiqet të mbrohet duke sulmuar Arben Ahmetajn, për t’i vënë kapakun çështjes duke përdorur media e gazetarë gjobaxhinj për interesa të tyre.

Të tjerë thonë se inceneratorët janë histori suksesi, të tjerë sulmojnë dhe akuzojnë gazetarë pse thonë të vërtetën që SPAK t’i shkojë deri në fund kësaj afere.

Koha po i qartëson të gjitha dhe më e rëndësishmja është që të kuptohet deri në fund pozicioni i SPAK-ut dhe roli i plotë i prokurorëve në këtë hetim.

E që të besojnë shqiptarët te drejtësia e re nuk po bëjmë pyetje gazetarie me “5 W”, por thjesht me disa KUSH, KU dhe PSE?

Këto përgjigje duhet të na japë hetimi, ndoshta ka edhe të tjera, por po sjellim disa që na lindën ne pasi lexuam akuzën e SPAK-ut.

SPAK të na thotë, KUSH?

Janë tre inceneratorë ku asnjëri nuk punon. Ai i Elbasanit, thuhet në remont, i ri në remont? Inceneratori i Fierit ende s’ka përfunduar, edhe pse kompania e ka deklaruar të mbyllur investimin, por mungojnë edhe 8 deri në 10 milionë euro pajisje. Në Tiranë pas 6 vitesh nuk ekziston inceneratori fare.

Le të fillojmë me të parin Elbasanin, për të vazhduar më tej me Fierin dhe Tiranën, për shumë KUSH?

SPAK të na thotë, KUSH?
Foto ilustruese

Elbasani

-Kush e urdhëroi kalimin nga landfill në incenerator?

-Kush e anuloi kredinë e butë nga BE-ja për landfillin e Elbasanit nga BNB Paribas?

-Kush e shpalli emergjencën?

-Kush e drejton komitetin e emergjencës?

-Kush e urdhëroi financimin?

-Kush e pranoi propozimin e pakërkuar?

-Kush i përgatiti 14 vendime për një ditë?

-Kush miratoi një kontratë që investimi të paguhej nga qeveria vetëm disa muaj pasi të fillonte?

-Kush e quajti sukses?

-Kush e mbrojti me pasion?

-Kush e urdhëroi marrjen në dorëzim?

-Kush e supervizoi zbatimin e projektit?

-Kush gënjeu publikisht për një PPP kur ishte një investim publik?

Pse s’pati tender të hapur ndërkombëtar?

Sot në Elbasan ka ende male me plehra dhe plehra që digjen edhe me keq se përpara shpalljes së emergjencës. Ndodhi disa ditë më parë.

Këto janë disa KUSH, por ka dhe shumë pyetje të tjera në rast se duam që “puzzle”-i i aferës së inceneratorit të Elbasanit të jetë i qartë dhe i plotë, përtej fasadës Stela Gugallja, pa harruar këdo tjetër të përfshirë në këtë aferë. Ndjekja e parave nuk është mision i vështirë.

SPAK-u duhet të na përgjigjet deri në fund, KUSH?

p.s. jemi të hapur të shtojmë çdo pyetje që ka publiku brenda këtij shkrimi, por edhe në publikimet që do të vijojnë.../ CNA

 





Lajmet e fundit nga