E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Edvin Kondili, prokurori i qeverisë!

21 Gusht 2023, 14:43, Editorial CNA

Prokuroi i SPAK-ut, Edvin Kondili

Prokurori i SPAK-ut, Edvin Kondili, që njihet gjerësisht si një mbështetës i mazhorancës, një njeri me bindje socialiste dhe me lidhje të forta me qeverinë, pak ditë më parë i dha të gjitha provat duke mos kryer siç duhet hetimet në lidhje me ish-ministrin e Shëndetësisë, Ilir Beqaj.

Dikush e quan linçim, dikush tjetër e quan se prokurori ka bërë detyrën dhe se nuk ka gjetur provat e duhura, por le t'i shikojmë dy rastet, të dyja, për ministra, njerëz dhe bashkëpunëtorë të ngushtë të Edi Ramës.

Edvin Kondili si ushtar politik
17 Gusht, 18:56

SPAK kërkon arrestimin e Arben Ahmetajt, Ilir Beqaj i lirë!

Edvin Kondili, prokurori i qeverisë!

Arben Ahmetaj, ish-zëvendëskryeministri, dyshohet për marrëdhënie për aferën e inceneratorëve.

Hapet një dosje me fraksion pas hetimit për Elbasanin. Nuk gjenden lidhjet e Arben Ahmetajt me inceneratorët, në shkresa zyrtare, pra ligjërisht, por SPAK-u heton pasurinë.

Prokurori Altin Dumani i heton të shkuarën, gjen pronat, ka pretendime SPAK-u se kanë rrjedhur nga marrëdhënia me inceneratorët, gjejnë bileta avioni, hoteli, fluturime, marrëdhënie mes njëri-tjetrit, por jo dokumente zyrtare. Në asnjë letër zyrtarisht Arben Ahmetaj nuk kishte firmosur për inceneratorët.

SPAK kërkon arrestimin e Arben Ahmetajt
10 Korrik, 10:39

Çohet kërkesa në gjykatë, kërkohet t’i hiqet imuniteti dhe kërkohet urdhër-arresti për Arben Ahmetajn.

Kjo nuk ka ndodhur me ish-ministrin e Shëndetësisë Ilir Beqajn, që është hetuar nga Edvin Kondili.

Edvin Kondili, prokurori i qeverisë!

Pra, Ilir Beqaj ndryshe nga Arben Ahmetaj e ka firmosur vetë kontratën koncesionare apo PPP e sterilizimit. Është ai firmëtari.

Ka qenë mbështetës i saj, promotor i saj, është kapur me bileta avioni, njihet si shok gjimnazi, i ka dhënë suportin i ka dhënë mbështetjen publike përveçse ka hedhur firmën, por Ilir Beqajt nuk i hetohet pasuria, e shkuara.

Ilir Beqaj, Edvin Kondili dhe koncesioni 100 milionë euro i sterilizimit
20 Gusht, 12:29

Pse? Pse Edvin Kondili nuk ndjek standardin e Altin Dumanit?

Edvin Kondili, prokurori i qeverisë!

Nuk mund të ketë drejtësi me dy standarde, ca të nënës e ca të njerkës.

Edvin Kondili u mbështet fort nga Rilindja dhe mazhoranca për t’u bërë kreu i SPAK-ut dhe humbi pasi vetë ambasadorja e SHBA-së dhe institucionet diplomatike mbajtën qëndrime të forta në mbështetje të Altin Dumanit për të penguar që Rilindja të zgjidhte vetë kreun e SPAK-ut dhe rivali i Dumanit për kreun e SPAK-ut ishte Edvin Kondili.

Edvin Kondili, prokurori i qeverisë!

Pse Edvin Kondili nuk kryen siç duhet detyrën? Nuk e heton siç duhet Ilir Beqajn? A ka përfituar apo s’ka përfituar? Justifikon apo jo pasuritë siç ndodhi me rastin e Arben Ahmetajt apo siç po ndodh me Lefter Kokën e të tjerë?

Çfarë e pengon Edvin Kondilin? Apo mos vallë hyrja e tij në godinën e kryeministrisë vitin e shkuar në muajin janar, diçka ka ndryshuar? Kë ka takuar, askush nuk mund të thotë, por hyrja është një fakt.

Rama përshëndet Rilindjen e Edvinit!
18 Gusht, 12:19

A ka ndikuar kjo që Kondili të mos veprojë dhe të mos zbatojë siç duhet detyrën dhe ligjin në lidhje me shtetasin Ilir Beqaj, ish-ministri i Shëndetësisë? Sepse precedenti Beqaj moshetimi i plotë dhe moskryerja e plotë e procedurës, krijon një precedent shumë të rrezikshëm edhe për ministrat e tjerë dhe për zyrtarë të tjerë në hetim.

Edvin Kondili, prokurori i qeverisë!

Nuk mund të jetë SPAK-u me dy standarde, një i Edvin Kondilit të Rilindjes që hyn në godinën e kryeministrisë dhe tjetri i Altin Dumanit dhe shumë prokurorëve të tjerë që i shkojnë deri në fund hetimit.

Ilir Beqaj i ka firmosur vetë kontratat koncesionare, Ilir Beqaj ka suportuar koncesionin e sterilizimit që po quhet një aferë korruptive dhe Ilir Beqaj është i lirë.