LEXO PA REKLAMA!

SHKARKO APP

Koncesioni i sterilizimit “fundos” zyrtarët/ Tabaku: SPAK të vazhdojë ndëshkimin, kjo mazhorancë nuk ka më shembull të mirë

17 Gusht 2023, 12:13, Aktualitet CNA

Koncesioni i sterilizimit “fundos” zyrtarët/ Tabaku: SPAK

Deputetja Jorida Tabaku ka reaguar pas lajmit se me urdhër të SPAK-ut janë lëshuar tetë urdhër-arreste lidhur me koncensionin e sterilizimit, tender me vlerë 100 milionë euro dhe dy persona ranë në prangat e policisë lidhur me këtë koncension. 

Ajo tha se arrestimet e sotme nga SPAK-u që lidhen me koncesionin e sterilizimit janë realisht një tjetër goditje që e përshëndes dhe mbështes pasi krimi dhe korrupsioni duhen ndëshkuar.

Tabaku thotë se kjo mazhorancë nuk ka më shembull të mirë.

Postimi i plotë:

Historia e koncesioneve shqiptare që individë me duar në xhepa, pa asnjë kapital, pa asnjë eksperiencë në këtë fushë me plusin e vetëm se kanë lidhje me qeveritarë dhe kështu arrijnë të fitojnë koncesione multimilionë euro është e vërteta e korrupsionit!

Inceneratorët, kontratat e koncesioneve të rrugëve të florinjta apo dhe koncesionet e shëndetësisë ku më e “shkëlqyera” ndër to është sterilizimi. Si shembull më i mirë që nga llaçi dhe tullat shkon tek shëndetësia sepse pronari i koncesionit është i lidhur me qeveritarë. Kështu u fituan 100 milion euro nga buxheti shtetit dhe kështu vidhen sistematikisht taksat në rritje të shqiptarëve!

Arrestimet e sotme nga SPAK që lidhen me koncesionin e Sterilizimit janë realisht një tjetër goditje që e përshëndes dhe mbështes pasi krimi dhe korrupsioni duhen ndëshkuar. SPAK duhet të vazhdojë ndëshkimin dhe nxjerrjen para përgjegjësisë të korrupsionit të niveleve të larta të çdo epoke.

Detyra tjetër bie mbi politikën që duhet të qeverisë me shembullin e mirë. Kjo mazhorancë nuk ka më shembull të mirë.

Sot shqiptarët po e kuptojnë që duhet të kenë frikë nga ligji; se sado pushtet të kesh; sado arrogant të jesh në sjellje; sado të akumulosh pasuri ligji është i barabartë per te gjithë!/CNA

Lajmet e fundit nga