LEXO PA REKLAMA!

SHKARKO APP

Korrupsioni gjatë zgjedhjeve në Shkodër/ SPAK dërgon dosjen për gjykim

17 Gusht 2023, 10:46, Aktualitet CNA

Korrupsioni gjatë zgjedhjeve në Shkodër/ SPAK dërgon dosjen

Prokuroria e Posaçme ka përfunduar hetimet për korrupsionin në zgjedhjet vendore të 14 majit, në Shkodër.

Prokuroria ka marrë të pandehur 4 persona dhe ka dërguar dosjen për gjykim.

4 të pandehurit me iniciale E. I., A. B., P. D. dhe M. V. akuzohen se kanë dashur të shpërndajnë të mira materiale në këmbim të votës për një kandidat të caktuar politik.

Njoftimi i SPAK:

Në përfundim të hetimeve paraprake të procedimit penal nr. 125 të vitit 2023, Prokuroria e Posaçme kundër Korrupsionit dhe Krimit të Organizuar ka paraqitur para Gjykatës së Posaçme të Shkallës së Parë për Korrupsionin dhe Krimin e Organizuar (në datën 16.08.2023) kërkesën për gjykim në ngarkim të pandehurve:

E. I., akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal;

A. B., akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal;

P. D., akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal;

M. V., akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal.

Nga analiza e provave të grumbulluara gjatë hetimit paraprak, rezulton se të pandehurit E. I., A. B., P. D. dhe M. V., banorë të qytetit të Shkodrës, në kuadër të formës së thjeshtë të bashkëpunimit, kanë kryer veprime konkrete të cilat kanë mbetur në fazën e tentativës (për shkaqe të pavarura nga autorët), me qëllim dhurimin e të mirave materiale në këmbim të votës për një kandidat të caktuar politik, pjesëmarrës ne zgjedhjet lokale të muajit Maj 2023./ CNA

Lajmet e fundit nga