LEXO PA REKLAMA!

SHKARKO APP

Balla, mesazh qytetarëve: Jeni partnerët tanë në mbrojtjen e vendit, ankesat tuaja do të ndiqen me kujdes

17 Gusht 2023, 11:45, Aktualitet CNA
Balla, mesazh qytetarëve: Jeni partnerët tanë në mbrojtjen e
Ministri i Brendshëm, Taulant Balla

Ministri i Brendshëm, Taulant Balla, u ka dërguar mesazh qytetarëve të vendit për të rritur bashkëpunimin me Policinë e Shtetit.

Balla thotë se qytetarët janë partnerët e pazëvendësueshëm të Policisë së Shtetit në mbrojtjen e vendit dhe të çdo individi, nga çdo lloj paligjshmërie, që nga korrupsioni dhe krimi i organizuar, te krimi ordiner dhe deri te krimi ndaj pronës publike e private.

Ai thotë se çdo ankesë e qytetarëve do të ndiqet me kujdes.

“Të dashur qytetarë, nga çdo anë e Shqipërisë. Ju jeni jo vetëm arsyeja pse ekziston Policia e Shtetit, por jeni edhe partnerët tanë të pazëvendësueshëm në mbrojtjen e vendit dhe të çdo individi, nga çdo lloj paligjshmërie, që nga korrupsioni dhe krimi i organizuar, te krimi ordiner dhe deri te krimi ndaj pronës publike e private. Veshi i shurdhër dhe syri qorr i një polici, heshtja bashkëfajtore me të fortët e lagjes dhe mosreagimi i forcave të rendit ndaj denoncimeve të qytetarëve, janë rreshtim i policisë kundër tyre, kundër shtetit. Prandaj çdo ankesë e juaja, çdo denoncim po ndiqet me shumë kujdes, sepse për mua secila prej tyre është një gur në murin e madh të besimit që duhet të ringrihet për Policinë e Shtetit.

Falënderoj dhjetëra qytetarë të cilët kanë raportuar plot raste apo paraqitur ankesa për veprime të dyshuara të paligjshme apo që bien ndesh me Kodin Etik në Policinë e Shtetit. Në një kohë të shkurtër kemi, në bazë të këtyre raportimeve/ankesave, punonjës policie të arrestuar, sikurse kemi edhe të përjashtuar për shkelje të normave etike.”/ CNA

Lajmet e fundit nga