LEXO PA REKLAMA!

SHKARKO APP

Ministri Balla viziton në spital policin e plagosur

16 Gusht 2023, 14:43, Aktualitet CNA

Ministri Balla viziton në spital policin e plagosur

Ministri i Brendshëm, Taulant Balla, ka vizituar sot efektivin e policisë që u plagos një ditë më parë teksa u përpjek të shuajë sherrin mes dy personave.

Tashmë gjendja e policit është e stabilizuar dhe jashtë rrezikut për jetën.

Si ndodhi ngjarja:

Efektivi i policisë mbeti i plagosur rëndë mbrëmjen e së martës teksa ndërhyri për të shuar sherrin mes dy personave në zonën e Pilurit.

Ngjarja ndodhi rreth orës 23:00. 

Në momentin që po ndodhte konflikti, punonjësi i Policisë R. Ç., 28 vjeç, me detyrë inspektor i Policisë së zonës Lukovë, jashtë orarit të shërbimit ishte duke kaluar në rrugë dhe kur ka parë personat që po konfliktoheshin ka ndërhyrë menjëherë për të parandaluar përshkallëzimin e konfliktit.

Gjatë përpjekjes për të parandaluar përshkallëzimin e mëtejshëm të konfliktit, njëri prej tyre, shtetasi Th. M., 60 vjeç, nga fshati Pilur, e ka goditur me mjet prerës thikë./ CNA

Lajmet e fundit nga