LEXO PA REKLAMA!

SHKARKO APP

Kapet në flagrancë teksa vidhte një banesë/ Prangoset 36-vjeçari në Kavajë

17 Gusht 2023, 12:00, Aktualitet CNA

Kapet në flagrancë teksa vidhte një banesë/ Prangoset

Një 36-vjeçar ka rënë në prangat e policisë pasi u kap në flagrancë, teksa vidhte në një banesë në lagjen nr. 2, Kavajë.

36-vjeçari i arrestuar është shtetasi me inicialet A. Ç., banues në Durrës.

Nga hetimet rezultoi se 36-vjeçari, gjatë muajit korrik, 2023, ka vjedhur para, pajisje dhe vegla pune, në 4 banesa të tjera. Gjithashtu, më datë 02.08.2023, ka tentuar të vjedhë materiale pune të përdorura, në një magazinë.

Në cilësinë e provës materiale u sekuestruan 33 820 lekë dhe pajisje elektrike të dyshuara të vjedhura, si dhe mjete që dyshohet se i kishin shërbyer 36-vjeçarit, për të hyrë në banesa dhe për të kryer vjedhjet.

Vijojnë hetimet për të zbardhur vjedhje të tjera që mund të ketë kryer shtetasi A. Ç./ CNA

Lajmet e fundit nga