REDAKSIONALE/ Edi Rama shkarravit imagjinatën e skenaristëve të tij

11 Gusht 2023, 10:49, Editorial REDAKSIONALE

REDAKSIONALE/ Edi Rama shkarravit imagjinatën e skenaristëve të

Edi Rama rikthehet në rolin e gazetarit me penën e tij të artë. Me atë penë, siç thotë Nikoll Lesi, që dikur sa herë kishte editoriale apo shkrime të tij në gazetën “Koha Jonë” tirazhet ishin të frikshme, ndoshta dhe 2-3 fishoheshin.

Sot, në këtë shkrim të gjatë që mund ta (lexoni këtu) pa asnjë kompleks, me penën e tij zbardh çdo detaj, në lidhje me atë që duan ta quajnë skandali i ndërtimit të një kulle në qendër të Tiranës, atje ku çuditërisht u bashkuan neokomunistë me neokonservatorë që protestonin kundër kapitalistëve, kundër ish pronarëve, kundër një leje të dhënë gati një vit më parë të cilën nuk e kishte kontestuar askush.

Nga Edi Rama: Kulla e radhës dhe mullari i baltës
11 Gusht, 09:03

E pa asnjë kompleks, Edi Rama, i cili është për t'u përshëndetur në këtë rast, thekson se donin të ngrinin një mal të madh mullari, më të madh se sa afera e djegësave që po djeg brenda jo vetëm pronarët, por edhe shumë zyrtarë të korruptuar.

Skema e falsifikimit të faturave tatimore/ SPAK: Zoto dhe Mërtiri përfituan mbi 4 miliardë lekë
7 Gusht, 15:29

Politikisht tek djegësat dora drejtohet tek kryeministri. Ne s'e kemi bërë atë asnjëherë, përkundrazi kemi theksuar se vizioni për të pastruar plehrat dhe skema e inceneratorëve përdorur nga zyrtarët e Ramës janë krejt të ndryshme, ashtu sikundër politikisht kryeministri “duhet të gjykohet”, pse e ka lejuar, pse nuk e ka kuptuar këtë aferë, por ka besuar një grup mashtruesish, një grup falsifikatorësh, një grup hajdutësh me çizme, disa prej tyre ministra dhe bashkëpunëtorët e tij më të ngushtë.

22 faqet e akuzës së SPAK për inceneratorin e Tiranës/ Nga Zoto te Mërtiri dhe Bllako, falsifikimet e përfitimet
7 Gusht, 16:26

Pa e shfajësuar Edi Ramën nga përgjegjësia politike sot, ky i fundit nuk është ndalur t’i thotë thuajse të gjitha, të na tregojë edhe Lulin e ngritur nga gjumi edhe mediat e tij që vijnë vërdallë dhe zhurmuesit e korruptuar që shpesh ai dhe të tijët i mbajnë me llokma, pa harruar se i ka dhënë një grusht në fytyrë kryebashkiakut të Tiranës Erion Veliaj, që i ngriti dhe komandoi të gjithë këtë tym në mes të verës duke e kthyer në një mal me plehra që digjej, thjesht dhe vetëm për të dalë më sipër se tymi i djegësave që nuk punojnë apo nuk ekzistojnë.

Rama telendis Bashën: Derdimen i sapozgjuar, me bluzën e jeshilosur nga djersa e gjumit të stërgjatë
11 Gusht, 09:20

Rama është i qartë, pak gjatë, por fjalëplotë dhe nuk ka pse të mos thuash që shkrimi i tij ishte brilant nga ana gazetareske ashtu siç di të godasë Rama, por politikisht dikujt nuk do t'i pëlqejë.

Nuk përmend Berishën. Shpullat e tij i drejton sa në mediat që i vijnë vërdallë, sa tek njerëzit që i vunë flakën mullarit për të bërë një tym.

Rama për mediat e Rilindjes: Baltë nga e thasëve të këtyre hamejve të së shkuarës
11 Gusht, 10:24

E në fund tashmë të gjithë morën përgjigjen tyre.

Nuk ka kompleks të tregojë se është pro biznesit, pro kapitalit, nuk ka kompleks të thotë qartazi që nuk i beson skemat e manipulatorëve, të cilët për shkak se ti jeton me qira në shtëpinë e një ndërtuesi të bëjnë pronarin e çdo ndërtimi që ai do të bëjë në vazhdim.

Nuk ka kompleks të na tregojë se rreth e rrotull ka zhurmues të vjetër e të rinj, të cilët për interesat dhe inatet e tyre duan të shpikin gjithçka për të mbuluar një aferë siç është ajo e inceneratorëve që na tregon se, sipas asaj që shkruan vetë kryeministri janë në frikë, janë në panik, i shqetëson diçka e kjo duket prej kohësh.

Dhe shteti shqiptar, qeveria nuk mund të jenë peng i anktheve, streseve, frikërave që vazhojnë nga Bashkia e Tiranës e shkojnë në Vienë, a kthehen sërish nëpër oborre gazetarësh e shkojnë në rrugë me gropa, në malet me dhera apo me plehra që nuk digjen në incenerator por që shpesh bëhen mullar dhe u vihet flaka për të lartësuar një tym që kërkon të ndotë jo vetëm kryeqytetin po këdo, thjesht dhe vetëm për ta tërhequr në mjegullën dhe hijen e tyre të nxirë tashmë nga një skandal i padëgjuar më parë.

E pra, Rama i pakompleksuar, sërish pranon se rreth tij ka ajër të ndotur, mediat janë të pista, skenaristët e inceneratorëve sa në Tiranë dhe në Vienë ende vazhdojnë të ndërtojnë skenarë për të shpëtuar nga e vërteta e madhe, e cila duhet të plasë deri në fund, duhet çuar deri në fund dhe duhet ta dëgjojnë të gjithë dhe ta mësojnë si një leksion deri në fund, përfshirë këtu që nga i pari e deri tek i fundit i shtetit që është ngatërruar në llumin e djegësave të Shqipërisë që duan të marrin me vete dhe të djegin këdo që i kundërshton apo këdo që ka thënë të vërtetën mbi një aferë dhe skandal qindra miliona euro që fatmirësisht është ndalur tashmë por që ende nuk ka përfunduar./ CNA