Sterilizimi, vendimi politik si justifikim për pazarin me "fratellon" e radhës

20 Gusht 2023, 14:25, Opinione Elvi FUNDO

Sterilizimi, vendimi politik si justifikim për pazarin me

Foto ilustruese

Ilir Beqja doli dhe na shkroi një letër të gjithëve. Ish-zyrtari Beqja foli për gjithë të mirat që solli procesi i përqendrimit në një dorë i sterilizimit të pajisjeve spitalore.

Ilir Beqja ka të drejtë kur liston gjithë problematikat që zgjidhi sterilizimi. Përfshirë këtu mbledhjen dhe ridërgimin e pajisjeve në gjithë sallat operatore kudo ku ka të tilla.

Gjithë shpjegimet e Zotit Beqja ishin të nevojshme. Është mirë kur dikush del e shpjegon qëllimin e mirë të një vendimi politik. Ka më shumë se një arsye që vendimi politik të justifikohej nga gjendja e sallave operatore deri në vitin 2013.

Koncesioni i sterilizimit/ Justifikohet Beqaj
20 Gusht, 09:36

Por Beqja nuk është i akuzuar për një vendim politik të gabuar. Fundja, kush është Beqja që të marrë përsipër arsyetimin ose justifikimin e atij vendimi politik?

Beqja dhe të tjerët akuzohen sepse 1 muaj përpara hapjes së procedurave formale të koncesionit, diku u themelua kompania që në fund "fitoi" koncesionin.

Beqja dhe të tjerët akuzohen sepse për kompaninë u gjet si ortak shqiptar, shoku i klasës së zëvendësministrit, i cili u caktua nga Beqja me akt individual si kryetar i komisionit që do të "përzgjidhte fituesin".

Beqja dhe të tjerët akuzohen sepse kostot e procesit u frynë që të paguhej jo vetëm sterilizimi por edhe bakshishet e majme.

Beqja dhe të tjerët akuzohen sepse nuk po tregojnë të vërtetat e tyre për procesin përpara shpalljes, të shpalljes, të përzgjedhjes dhe në fund të lidhjes së kontratës dhe jo për vendimin politik.

Beqja dhe të tjerët akuzohen për komunikimet edhe në "e-maile"-t zyrtare me fra(tellon) e radhës.

Ku qëndron abuzimi me koncesionin e sterilizimit?
19 Gusht, 10:44

Ilir Beqja mund të ketë nxitur vendimmarrjen politike, por ai nuk akuzohet për këtë nxitje. Ai akuzohet për nxitjen e procesit paralel me atë të vendimmarrjes politike.

Ai dhe vetëm ai mund të ishte i sigurtë dhe të nxiste themelimin e kompanisë, pasi ai dhe vetëm ai kishte informacionin e sigurtë që vendimi politik ishte fakt i kryer.

Ilir Beqja akuzohet se si personi i cili mund të parashikonte vendimmarrjen, po porosiste që të hante dardha e kumblla pa hesap.

Ku ndryshon afera e inceneratorëve me sterilizimin
19 Gusht, 15:16

Sa i takon vendimit politik, ai i takonte Edi Ramës, i cili (edhe një herë si një herë), mirë që nuk kuptonte se si Beqja po e kapte për hundësh drejt një vendimmarrjeje politike, por kur erdhi dita as nuk dëgjonte mbllaçitjet e Beqjës e as shihte farat, bishtat e bërthamat që pështynte ministri.

Zoti Beqja nëse merr stilolapsin, duhet të tregojë dhe shpjegohet për akuzat ndaj tij e jo të fshihet pas një vendimi politik qëllimmirë.

Ilir Beqaj, Edvin Kondili dhe koncesioni 100 milionë euro i sterilizimit
20 Gusht, 12:29

Në fund të fundit nuk po e akuzojnë si njeri shpirtmirë që mendoi për hallet e mjekësisë. Akuzat ndaj tij kanë lidhje me ndotjen e një vendimmarrjeje politike për qëllimin e mirë të së cilës nuk ka dyshime askush.

Le t'ia lërë Ramës këtë pjesë. Vetë bën mirë të zbrazë barkun dhe të tregojë fratellot./ CNA