Inceneratori i Tiranës/ Një dokument dhe disa pyetje për administratorin

27 Prill 2023, 18:11, Editorial CNA

Inceneratori i Tiranës/ Një dokument dhe disa pyetje për

Administratori i kompanisë së inceneratorit të Tiranës, Herman Daniel Vermulen

Administratori i kompanisë së inceneratorit të Tiranës, Herman Daniel Vermulen, në disa dalje të tij meddiatike ka thënë se nuk e njeh Klodian Zoton, Mirel Mërtirin dhe garanton se paratë që jepen si shërbim për kompaninë që ai menaxhon, pra për inceneratorin e Tiranës që nuk ekziston, nuk shkojnë për këto persona, apo emra që përmenden si të akuzuar.

Në fakt ne kemi disa pyetje për administratorin e inceneratorit të Tiranës që po ia bëjmë publikisht dhe po japim edhe disa fakte.

Ai flet se nuk ka lidhje me Klodian Zoton, por ne po i tregojmë një dokument të firmosur nga Lefter Koka më 17 gusht të vitit 2017, që flet për Klodian Zoton.

Dokumenti i firmosur nga Lefter Koka më 17 gusht të vitit 2017, drejtuar Klodian Zotos.

Ky i fundit, i cili aktualisht është në kërkim ndërkombëtar për korrupsion, në gusht të 2017-ës vihej në dijeni nga ministri në lidhje me problematikën e kompanisë “Integrated Energy BV”, që është kompania mëmë në Holandë.

Sipas dokumentave të publikuara nga CNA, kompania është themeluar nga Klodian Zoto dhe më pas është kaluar në emrin e Giuseppe Ciaffagliones, ky i fundit person i shpallur në kërkim ndërkombëtar, pasi punësoi babain e Alqi Bllakos, i cili ndodhet në burg dhe e paguante me një pagë jo të pakët, por rreth 10 milionë lekë në muaj.

Ka shkaktuar qindra milionë lekë dëm në buxhetin e shtetit/ Si ka përfituar babai i Alqi Bllakos nga inceneratorët
29 Mars, 14:22

Nga ana tjetër, Ciaffaglione ka marrë edhe disa qindra mijëra euro për konsulencë nga inceneratori i Fierit, i cili ende nuk punon sot që flasim. Kompania ka edhe disa aksionerë të rinj që u bënë publike në QKB pas ndryshimit të ligjit për kompanitë off-shore.

Ky është dokumenti që tregon se Lefter Koka njofton Klodian Zoton për inceneratorin e Tiranës.

Nga Klodian Zoto, Stela Gugallja dhe Lefter Koka/ SPAK zbardh hetimet për inceneratorët
14 Dhjetor, 14:41

Gjithashtu, ne po publikojmë edhe dy foto të tjera (janë dokumente që publikohen për herë të parë). Këto dokumenta tregojnë regjistrin e themelimit të kompanisë ku del “Integrated Technology Services”, ITS.

ITS është kompania që ka në pronësi Klodian Zoto, i shpallur në kërkim ndërkombëtar për korrupsion, nën kontraktor në Elbasan dhe ndërtues i inceneratorit të Fierit. Të dyja ende jashtë funksionit.

Regjistri i themelimit të kompanisë "Geogenix BV"

Detaje për aksionet e kompanisë "Geogenix BV"

A e njeh administratori Klodian Zoton si themelues të kompanisë dhe Ciaffaglionen që është në kërkim ndërkombëtar nga SPAK-u?

Dhe a e di se çfarë kontrate kanë firmosur me qeverinë shqiptare Ciaffaglione për inceneratorin e Tiranës?

Kjo pasi sot jemi 6 vjet pas përfundimit të këtij investimi, ndërkohë incenerator ende nuk ka dhe mesa duket nuk kanë filluar ende punimet për ndërtimin e tij, gjë që na bën të kemi të gjitha dyshimet se edhe për nja dy apo tri vjet mund të mos ketë fare. Ndoshta mund të bëhet gati për zgjedhjet parlamentare të 2025-ës që të mos ketë debate publike dhe politike. Por edhe atëherë do jetë 9 vite më pas nga firmosja.

Dokumenti-Administratori i landfillit të Tiranës kapet sërish duke gënjyer
11 Prill, 11:32

Por nga të dhënat që CNA ka, kompania nuk ka dhe nuk ka pasur 128 milionë euro për investimin kur ka firmosur kontratën, të paktën kjo shumë nuk ka qenë në gjendje deri në dhjetor të 2022-shit.

Gjithsesi, administratori duhet të na thotë pse na ka gënjyer publikisht duke thënë se nuk e njeh Klodian Zoton dhe paratë nuk shkojnë tek ai apo personat në kërkim?

NUK DI apo GËNJEN?

Një përgjigje me disa fakte administratorit të landfillit të Tiranës
9 Prill, 18:58

A e di Herman Daniel Vermulen se kompaninë e ka themeluar Klodian Zoto?

Meqënëse ky zotëria nuk e di dhe thotë që paratë nuk shkojnë të personat e akuzuar, si ka mundësi që në foto në landfillin e Sharrës janë Klodian Zoto, Mirel Mërtiri dhe Giuseppe Ciaffaglione që është në kërkim ndërkombëtar? I di administratori i inceneratorit të Tiranës këto?

Ai mund të mos i tregojë, por para SPAK-ut do ta ketë të vështirë për të shmangur të vërtetën, pasi do të dalin fakte dhe dokumenta ekskluzive të pakontestueshme për inceneratorin e Tiranës dhe lidhjet me Klodian Zoton dhe Mirel Mërtirin.

Një pyetje që mund tja bëjnë në SPAK psh: A jeni në dijeni se kush fshihet pas adresës së emailit “LEMON MANGO” dhe kush është Mireli?

Nesër CNA do të publikojë një dokument ekskluziv që tregon trurin e inceneratorëve, skenaristin e vërtetë që fshihet dhe i shërben kompanisë në Holandë dhe skemat e tij për të humbur gjurmët.

Një dokument që do tregojë publikisht si lidhet e gjithë afera korruptive e inceneratorëve dhe duhet të jetë në vëmendjen e SPAK./ CNA.al