Fenomeni Alibeaj, apo kur dordoleci kujton se është lider

28 Mars 2023, 14:51, Editorial CNA

Enkelejd Alibeaj gjithë këto muaj nuk paska bërë gjë tjetër veçse paska mbushur plot 30 faqe me justifikime lidhur me quasi bojkotin e zgjedhjeve lokale 2023 nga PD e vulës.

Alibeaj dhe Lulzim Basha me raport mjekësor shtynë për rreth një vit zhvillimin e një gjyqi, për të cilin në fund u kujtuan që qenkësh i panevojshëm dhe hoqën dorë.

Juristët që paskëshin në dorë fatet e demokratëve, pas 1 viti u kujtuan që njëri gjyq, pikërisht ai që kishin 1 vit që e shtynin me raport mjekësor, pengonte zhvillimin e gjyqit tjetër.

Lulzimsat e Alibeajt me kujdes dhe me ndihmën e mjekëve skrupulozë, arritën që vendimin e gjyqit të radhës, ta linin në kufijtë e afateve të regjistrimit si subjekt zgjedhor në KQZ.

Cna.al e kishte parashikuar edhe këtë!

Dhe kur të gjithë prisnin që Alibeaj të na surprizonte me 61 kandidatë edhe në emër të së drejtës që bujarisht i dha Gjykata dhe KQZ, foli si dordolec.

Alibeaj doli sot dhe në 15 nga 30 faqet qe kishte shkruar, ia faturoi Ramës sëmurjen e shpeshtë të avokatit të PD-së! Paskësh qenë Rama fajtori që në 1 vit rresht, përfaqësuesit e PD sëmureshin me radhë dhe kërkonin shtyrjen e seancave!

Ishin të njëjtit perfaqësues që Alibeaj i Lulzimit nisi në KQZ me letrat për regjistrim në zgjedhje.

Alibeaj u ankua që KQZ i kishte vonuar regjistrimin. Sipas logjikës së Alibeajt, kandidatët fillojnë e kërkohen pasi subjekti politik regjistrohet në zgjedhje.

Ndaj nuk dilte në bazë të sqaronte demokratët, t'i bindtte ata, të debatonte me ta, të zgjidhte mes tyre.

Kur bëheshin protesta, kur Foltorja dilte në nisma e lëvizje politike sipas agjendës së vet, Alibeaj kujdesej rregullisht që të shpërndante foto nga ndonjë shezllon buzë ujërave.

Alibeaj ka 1 vit që rri shezlloneve dhe me sa duket mesazhi moskokëçarës që shpërndante paskësh qenë lutje që Gjykatat t'ia refuzonin vulën.

Alibeajn nuk e dëgjuam të merakosej kur KQZ i paskësh vonuar regjistrimin dhe krekosej përpara çdo kamere që i vihej në surrat.

Sepse me sa duket po lutej diku që KQZ të mos e regjistronte.

Pasi KQZ e futi në zgjedhje si Çeçua, më në fund gjithë analistët dhe panelistët kuptuan boshllëkun që ka 1 vit që rehatohet shezlloneve.

Alibeaj u krekos edhe sot kur doli të lexonte ato 30 faqe justifikimesh prej dordoleci e të cilat për hir të së vërtetës edhe i aktron po aq keq si dordolec. Imiton Lulin me sa duket!

Pasi ka 3 muaj që shpërndan një listë me 17 kandidatë për kryetarë bashkish, dje ajo listë (së cilës iu shtua Roland Bejko), doli që qenkësh 15!

Nga 61 kandidatë që i dha të drejtën gjykata dhe KQZ, Alibeaj mezi mblodhi rraqet për vetëm 15.

Dhe doli prapë në kamera dhe vazhdoi të krekosej si aktor dordolec.

Alibeajn Gjykata dhe KQZ e caktuan që të dëshmojë çfarë lideri është. Falë atyre vendimeve të gjithë njoftën dordolecin që paskësh pasur merak veç të mbushte ato 30 faqe tekst të lexuara me një krekosje të pështirë prej boshllëku shezllonësh.

Falë KQZ-së sot i shpëtuam krekosjes së Alibeajt si lider!

E përfytyroni pak një dordolec që krekoset edhe kur pranon që është dordolec?

Shikoni Enkelejdin si krekoset kur del e lexon vetëm 15 emra kur iu dha e drejta e pakufijshme për 61 të tillë!

E imagjinoni dot se si do fryhej e krekosej si lider ky Alibeaj i Lulzimsit, nëse KQZ do i kishte ndaluar regjistrimin në zgjedhje?

A doli dhe deklaroi që vetëm për Bashkinë Gjirokastër kishte 4 kandidatura? Jo më larg se 2 dit më parë kur u pyet a kishte kandidatë, Alibeaj u përgjigj se Roland Bejko i kishte thënë që kishin 4 kandidatëtë për Gjirokastrën. E tha me krekosjen e vet prej dordoleci që as skuqet as zverdhet.

E imagjinoni dot se si do ishte duke u krekosur sot sikur ta kishin penguar të futej në zgjedhje?

Sot me siguri do kishte dalë si lider i krekosur e do na thosh që jo 61, por për çdo karrike ai paskësh pasur nga 4 kandidatë!

I krekosur sa del në televizor si dordolec kur ka vetëm 15 kandidatë.

Përfyryrojeni pak se çfarë përmase do kishte pasur krekosja e liderit Alibeaj, nëse KQZ duke e ndaluar të regjistrohej si kryetar, do i kishte dhënë rast që të na thoshte se paskësh pasur jo 61, por plot 244 kandidatë./CNA.al