Dy gisht letër për Edi Ramën!

8 Dhjetor 2024, 12:40, Editorial Elvi FUNDO

Kryemnistri Edi Rama dhe kryebashkiaku i Tiranës, Erion Veliaj

Dy ditë më parë mediat raportuan se SPAK-u pas disa vendimeve të GJKKO-së dhe urdhrave të prokurorëve kishte shkuar për kontroll në shtëpinë e Erion Veliajt.(Lexo këtu)

I ishte sekuestruar telefoni Ajola Xoxës, kontroll në shtëpinë e vëllait të tij, Arbër Veliaj, që të dy nuk janë subjekte të SPAK-ut, por po hetohen për shkak të hetimit pasuror që bëhet ndaj kryebashkiakut të Tiranës, Erion Veliajt.(Lexo këtu)

Ky i fundit në fillim i mohoi të gjitha, prej muajsh i mohon, nuk e pranon që është në hetim, nuk e pranon që ka çështje penale ndaj tij, nuk e pranon që ka akuza ndaj tij, u bë aq i pështirë saqë shiti dhe gruan e tij, “e kanë me Ajolën”, tha, “nuk e kanë me mua”, sikur Ajola jetonte në ndonjë shtëpi tjetër, apo kishte ikur diku gjetkë.

Erion Veliaj përdor mediat kundër gruas së tij
6 Dhjetor, 15:21

Këto dy rreshta më poshtë janë për ty zoti kryeministër:

Ti e ke larguar Erion Veliajn nga drejtimi i PS-së së Tiranës, fillimisht u vendosën Ogerta Manastirliu dhe Elisa Spiropali, tani u shtua dhe Blendi Gonxhja, Erion Veliaj është në cep në Tiranë, por ky veprim politik nuk mjafton. (LEXO KETU)

Qytetarët kanë nevojë për veprim publik që zoti kryeministër të jetë i pastër në historitë e inceneratorëve, në historitë e dosjes “5D”, të shembjeve të “5 Majit”, te shembja e Teatrit etj., do duhet t’i kërkojë dorëheqjen publikisht Erion Veliajt. Ky do të ishte një akt që do t’i shtonte edhe më shumë votat e socialistëve. Edi Rama duhet të kërkojë dorëheqjen publike të kryebashkiakut të Tiranës, Erion Veliaj, deri në sqarimin e akuzave ndaj tij.

Çfarë kërkon SPAK-u nga familjarët e Erion Veliajt?
6 Dhjetor, 14:35

Erioni nuk është aq burrë sa të japë dorëheqjen, të pastrojë fytyrën dhe pastaj të vërsulet për të marrë pushtetin, sepse s’ka pushtet, nuk e duan, nuk e votojnë, pushteti i tij është Partia Socialiste.

Ndaj ju si kryetar i Partisë Socialiste, zoti Edi Rama, duhet t’i bëni kërkesë që të japë dorëheqjen një orë e më parë, pasi jo vetëm bashkia do të çlirohet, jo vetëm Partia Socialiste do të çlirohet, jo vetëm Shqipëria do të çlirohet, por të gjithë do të presim me më shumë interes të vërtetën sepse kështu siç po ndodh në momentet kur të dërgohen akuzat zyrtare ndaj Erion Veliajt janë akuza që do t’i ngelen Partisë Socialiste, ato akuza nesër do të bien mbi shpinën tuaj dhe do jenë një barrë e rëndë për fushatën elektorale.

Dorëheqja e Erion Veliajt, qoftë edhe kërkesa juaj publike do të ishte jo pak, do ta lehtësonte së tepërmi barrën që po i vjen qeverisjes suaj nga një kryebashkiak nën akuzë për korrupsion, shpërdorim detyre, pastrim i produkteve të veprës penale, fshehje pasurie dhe mosdeklarimin e saj./ CNA