web counter
LEXO PA REKLAMA!

SHKARKO APP

App Store
Google Play

Pse SPAK-u duhet të zbulojë Olsin?

3 Dhjetor 2024, 12:54, Editorial CNA
Pse SPAK-u duhet të zbulojë Olsin?
SPAK

Një postim i ish-kryeministrit Sali Berisha dy ditë më parë turbulloi mediat dhe rrjetin në lidhje me prokurorin e SPAK-ut, Olsi Dado, në lidhje me një çështje ku përfshihej ish-deputeti socialist Jurgis Çyrbja.

Kreu i PD-së, Sali Berisha, ngriti akuzat se prokurori i posaçëm, Olsi Dado, “ka liruar nga burgu kunatin e Altin Hajrit, Julian Gjoshin, i cili ekzekutoi dy ditë më parë Alfred Dedjën në një lokal në Ndroq.(LEXO KETU)

Emri i Julian Gjoshit del edhe në hetimet e Prokurorisë së Posaçme për deputetin socialist të arrestuar, Jurgis Çyrbja, ku ky i fundit komunikonte me Altin Hajrin për lirimin e tij.

CNA bëri një verifikim të menjëhershëm pas denoncimit të Sali Berishës dhe rezultoi se Olsi Dado nuk ishte prokurori për të cilin Berisha fliste, pasi nuk kishte qenë prokurori i asaj çështje aspak, por kishte qenë prokuror, një prokuror tjetër me inicialet H.M. Kishte pasur një gjykim paraprak me masë arresti burg pa afat.

Më pas ishte një tjetër gjyqtare, Shefkie Demiraj, që e kishte nxjerrë në gjendje të lirë personin në fjalë, Julian Gjoshin.

Berisha reagoi sërish më pas. Nxori një dokument të publikuar nga SPAK-u, ku në përgjime përmendej Olsi.

Pse SPAK-u duhet të zbulojë Olsin?
Postimi i Sali Berishës në rrjetet sociale

Sot sërish ish-kryeministri ka reaguar dhe ka thënë një fjali shumë të qartë.

“Unë e verifikova, ata e përgënjeshtruan, nuk ishte prokurori Olsi Dado, por të thonë vetë kush është Olsi”, deklaroi Berisha.

Ai u tha gazetarëve se nuk kishte të dhëna se mund të ishte Olsi Rama, por është një prokuror tjetër tha, “a mund të jetë Olsian Çela këtë nuk di të them, pres ta thonë ata që e përgënjeshtruan, herën e dytë nuk do të bëj të njëjtin gabim”, tha ish-kryeministri.

Në fakt të gjitha këto zhvillime çojnë në një pikë.

Kush është Olsi? Cili është ky prokuror? A është i tillë? A është brenda sistemit?

SPAK tashmë duhet të kishte filluar hetimet edhe pas akuzave të Berishës qoftë edhe për prokurorin Olsi Dado. Të kishte bërë të gjitha veprimet dhe verifikimet e duhura dhe për këtë të kishte dalë dhe me një njoftim.

Ndoshta përgënjeshtrimi dhe fakti se Olsi Dado nuk ka pasur të bëjë me asnjë lidhje me çështjen për të cilën fliste Berisha është një anë e medaljes, por që duhet të hetohet dhe të zbardhet deri në fund se kush është Olsi që pretendohet nga ato përgjime që ka publikuar SPAK, duhet patjetër t’i thuhet politikës dhe opinionit publik për dy arsye. E para që politika të mos manipulojë dhe e dyta që opinioni publik të mësojë të vërtetën.

Nuk mund të ketë dy të vërteta, ajo është vetëm një. Por Ols mund të ketë shumë edhe brenda sistemit të drjetësisë këtë duhet ta zbardhë SPAK-u./ CNA





Lajmet e fundit nga