LEXO PA REKLAMA!

SHKARKO APP

Zjarri në pallatin në Tiranë/ Reagon Veliaj: Do ofrojmë grante për çdo familje

14 Shtator 2023, 18:40, Aktualitet CNA
Zjarri në pallatin në Tiranë/ Reagon Veliaj: Do ofrojmë
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, ka reaguar pak minuta më parë për zjarrin që shkrumboi pjesën më të madhe të pallatit 9-katësh në zonën e ish-parkut të Autobusëve, në kryeqytet.

Me anë të një statusi në rrjetet sociale, Veliaj thotë se Bashkia e Tiranës do të ndihmojë me grante çdo familje që ka dëmtime në orendi dhe elektroshtëpiake.

Ai shpreh mirënjohje për skuadrat e zjarrfikëseve, emergjencave dhe policisë dhe ikurajon ato të zbardhin burimin e zjarrit.

Mirënjohje skuadrave zjarrfikëse, emergjencave & policisë për reagimin e shpejtë për të shpëtuar njerëzit - jeta është më e rëndësishme se gjithçka - dhe shuar zjarrin në Nj. 7, Tiranë!

I kam kërkuar ekipit të nisë menjëherë hetimin mbi burimin e zjarrit! Momentalisht po bëhet këqyrja e çdo hapësirë e pajisjeve në godinë! Si gjithnjë, BT do ndihmojë me grant për çdo familje që ka dëmtime orendi dhe elektroshtëpiake! Operacioni vijon...”, shkruan kryebashkiaku./ CNA

Lajmet e fundit nga