Kërkohet hetim/ 14 pyetje nga Belind Këlliçi për Parkun e Butrintit

4 Shtator 2023, 12:54, Aktualitet CNA

Kërkohet hetim/ 14 pyetje nga Belind Këlliçi për Parkun e

Belind Këlliçi ka ngritur 14 pyetje për Parkun e Butrintit që sipas tij duhet t’u japë përgjigje ministrja Margariti.

Këlliçi thotë se pas denoncimeve të shumta dhe verifikimeve gjithë këto ditë, rezulton se është e domosdoshme të flasim për veprimtarinë e Parkut të Butrintit, madje të bëhet edhe hetimi dhe inspektimi i pajisjeve të biletarisë, inspektimi i aktivitetit dhe fondeve që shkojnë në këtë park.

Postimi i plotë:

KAMERAT E PARKUT TË BUTRINTIT SI RADARËT E USHTRISË QË NATËN RRININ FIKUR E DITËN NDEZUR, KURSE NË PARK ATO S'PUNOJNË FARE, E JO SOT, POR PREJ KOHËSH.

Pas denoncimeve të shumta dhe verifikimeve gjithë këto ditë, rezulton se është e domosdoshme të flasim për veprimtarinë e Parkut të Butrintit, madje të bëhet dhe hetimi dhe inspektimi i paisjeve të biletarisë, inspektimi i aktivitetit dhe fondeve që shkojnë në këtë park.

Por nëse Margariti pretendon ndryshe, atëherë t'i përgjigjet publikisht pyetjeve:

- Prej sa kohësh nuk punojnë kamerat e parkut të Butrintit?

- Si monitorohet sistemi i biletarisë?

- Cilat janë paisjet që përdoren për aktivitetin e përditshëm?

- Cilët janë elementet e sigurisë të biletave dhe kontrollit të tyre?

- A punon sistemi i kalueseve dhe a vërteton ai vlefshmërinë e biletës në momentin e hyrjes?

- A raportohet elektronikisht nëpërmjet barkodit të biletës numri?

- Si përcaktohen dhe vërtetohen biletat me çmim 0?

- Si vërtetoni një biletë për invalidë, për studentë apo nxënës nën moshë?

- A keni të afishuar për të huaj dhe shqiptarë në Parkun e Butrintit që e Diela e fundit është pa pagesë?

- A e keni mbulimin me kamera në gjithë parkun për çdo eventualitet dhe a monitorini gjithë hapësirën?

- Si ruhet muzeu dhe a janë elementet e sigurisë të çertifikuar nëse ka?