LEXO PA REKLAMA!

SHKARKO APP

Begaj: Në OKB do të kem në fokus njohjen e Kosovës, liberalizimi i vizave i vonuar

4 Shtator 2023, 11:56, Aktualitet CNA

Begaj: Në OKB do të kem në fokus njohjen e Kosovës,

Presidenti i Shqipërisë, Bajram Begaj, në fjalën e tij në konferencën e mbajtur me homologen e Kosovës, Vjosa Osmani, tregoi se Shqipëria do të vijojë të mbështesë Kosovën në fusha të ndryshme.

Ai u shpreh se edhe në pjesëmarrjen e tij në OKB do të ketë fokus çështjen e njohjes së Kosovës.

“E sigurova presidenten Osmani për angazhim të plotë të Shqipërisë në konstruksion të dialogut. Ka nevojë për një koordinim më të mirë mes dy vendeve. Pjesëmarrja ime në asamblenë e OKB-së do të ketë në fokus çështjen e njohjes së Kosovës. Liberalizimi i vizave është një veprim i vonuar. Shqipëria i mbështet aspiratat e Kosovës për integrimin evropian. Mbështetja do të jetë edhe për anëtarësimin në organizata ndërkombëtare. Ka nevojë për bashkëpunim për ruajtjen e të drejtave të integritetit kombëtar. Jemi të predispozuar për të trajtuar të drejtat e shqiptarëve në rajon. Ju falënderoj për pranimin e ftesës dhe qëndrimin në Shqipëri.”/ CNA

Lajmet e fundit nga