web counter
LEXO PA REKLAMA!

SHKARKO APP

E fundit!

x

Auditimi i zonave të mbrojtura/ Kreu i KLSH-së: Mungon aksesi institucional, asnjë marrëdhënie me ASHK

15 Qershor 2026, 16:44, Aktualitet CNA

Auditimi i zonave të mbrojtura/ Kreu i KLSH-së: Mungon aksesi

Kreu i Kontrollit të Lartë të Shtetit, Arben Shehu, ngriti sot një shqetësim lidhur me auditimin e zonave të mbrojtura.

Teksa i përgjigjej interesimit të anëtarëve të Komisionit të Ekonomisë, Shehu tha se momentalisht  nuk ka asnjë lloj aksesi institucional dhe koordinim me Agjencinë Shtetërore të Kadastrës.

Sipas Shehut, mbetet me rëndësi regjistrimi i pronave shtetërore por edhe private, për të mundësuar më pas auditimin e këtyre zonave.

“Në lidhje me zonat e mbrojtura dhe koordimin me ASHK-në, nuk kemi asnjë lloj aksesi e jo më të diskutojmë për marrëdhënie ndërinstitucionale. Ka rëndësi thelbësore dhe emergjente lidhur me regjistrimin e pronës shtetërore, që kur mbetet e paregjistruar është në një nivel risku shumë të lartë, por edhe pronat e qytetarëve. Duhet akses dhe informacion se çfarë bëhet me pronat private. Jemi të gatshëm të kryjmë këto procese në kohë të shpejtë dhe kemi kapacitetet për të kryer auditime në kohën e duhur, bashkë me masat e tjera bazuar në kohën ligjore”,-theksoi Shehu./CNA

 





Lajmet e fundit nga