web counter
LEXO PA REKLAMA!

SHKARKO APP

App Store
Google Play

E fundit!

x

Aplikacione të personalizuara dhe komunikime sekrete/ SPAK zbulon zyrtarët e bashkisë

21 Shkurt 2024, 14:07, Aktualitet CNA

Aplikacione të personalizuara dhe komunikime sekrete/ SPAK zbulon

Hetimet e zhvilluara në Bashkinë e Tiranës dhe në disa institucione shtetërore kanë nxjerrë të tjera detaje në lidhje me hetimet e kryera nga SPAK-u në kuadër të disa aferave korruptive, si dosja e inceneratorëve, drejtorët, por edhe hetime të tjera që kanë dalë nga çështjet e ndryshme që SPAK-u ka pasur duke investiguar në dosjet e shumta për korrupsion, materiale të gjetura dhe nga komunikime të tjera të zbuluara midis shumë personave nën hetim.

Aplikacione të personalizuara dhe komunikime sekrete/ SPAK zbulon
Bashkia e Tiranës

CNA ka mundur të sigurojë të dhëna nga një burim zyrtar, i cili tha se disa zyrtarëve, të cilëve u janë sekuestruar telefonat nga BKH-ja në kuadër të hetimeve të SPAK-ut, u janë gjetur aplikacione të personalizuara, të koduara.

Në këto aplikacione, sipas burimeve, janë krijuar edhe grupe për të pasur një sekret dhe fshehje të shumta të mesazheve që përçonin.

Kryeministri Edi Rama, në një intervistë së fundi për Anila Bashën, është shqetësuar shumë për ndërhyrjen e BKH-së, sekuestrimin e telefonave apo edhe mjeteve të tjera elektronike.

Aplikacione të personalizuara dhe komunikime sekrete/ SPAK zbulon
Kryeministri Edi Rama

Gjithashtu për disa javë me radhë mazhoranca tentoi të krijojë një komision hetimor “Ad-Hoc” kundër SPAK-ut, por mesa duket thelbi ka qenë te të dhënat e gjetura nga SPAK-u nëpërmjet mënyrës së befasishme të kontrolleve, sekuestrimit të pajisjeve celulare, ku janë zbuluar aplikacione.

Këto aplikacione, duke përdorur edhe VPN, një formë për të fshehur IP-në e komunikimit, janë të përafërta me “WhatsApp” dhe të tjera aplikacione komunikimesh elektronike, por të personalizuara, të krijuara me grupe dhe komunikime zyrtarësh, drejtorësh, ku flitet për pazare, korrupsion dhe mesazhe të tjera që përçojnë midis këtyre individëve, një pjesë e mirë në hetim.

Të gjitha këto kanë shqetësuar jo pak edhe kryebashkiakun e Tiranës, Erion Veliaj, i cili javët e fundit është parë jo vetëm i tensionuar, por duke reaguar dhe dobësisht për shkak të faktit se shumë prej drejtorëve të tij janë nën hetim penal, zbulimit të komunikimeve, dokumentit zyrtar të korrupsionit dhe shumave të mëdha të parave të lëvizura nga këta drejtues./ CNA





Lajmet e fundit nga