E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Vrasja e Santiago Malkos, Ilir Selmani: U pagua 500 mijë euro për të dëmtuar vëllezërit Duka

21 Shkurt 2024, 12:55, Aktualitet CNA

Vrasja e Santiago Malkos, Ilir Selmani: U pagua 500 mijë euro për

Ilir Selmani dhe Santiago Malko

Ilir Selmani, i cili është dënuar me 28 vite burg si pjesëmarrës në vrasjen e Santiago Malkos, ka dëshmuar në procesin gjyqësor ndaj Leonard Dukës, Erlis Dukës e të tjerë, të akuzuar për të njëjtën ngjarje.

Para togave të zeza, Selmani këmbënguli në pafajësinë e tij, duke pretenduar se ishte dënuar me prova të manipuluara nga oficerë të policisë.

Ai theksoi se janë paguar 500 mijë euro për të dëmtuar vëllezërit Duka.

“Nuk kam asnjë lidhje me vrasjen. E kam mësuar në televizion. Vëllezërit Duka i kam shokë të ngushtë. Kam shkuar për drekë ditën e ngjarjes në lokalin që ata kishin marrë me qira. Dreka ishte rastësore për rreth 2 orë e 30 minuta. Ishim 8-9 veta në tavolinë, Blendi Teta, Fatmir Hyseni, Erlis Myftari solli Bledin dhe iku. Më kërkoi Erlis Duka që ta shoqëroja Blendi Tetën me makinë deri te spitalet. Dëgjova diçka, por nuk di nëse ishin krisma armësh apo jo. Më pas kur e mendova ngjarjen, e kuptova që ishin krisma. Pastaj mora makinën dhe kur shkova te lokali, policia kishte rrethuar Erlisin dhe Leonardin. 4 ditë pas ngjarjes shikoi që janë 9 veta në kërkim për vrasjen e Santiago Malkos (I drejtohet prokurorit): Çdo provë është e manipuluar nga dy oficerë policie. Ju prokuror keni thënë nga deklarimet e Blendi Tetës se jam i përfshirë, por nuk keni asnjë provë. Nuk keni bërë asnjë hetim, keni marrë prova të manipuluara nga oficerët e policisë. Janë paguar para për të penguar hetimin. Janë siguruar përgjime nga oficerët se kanë manipuluar provat. Kam material dhe pres provat, informacionin shkresor dhe tabulatet telefonike që provojnë se janë manipuluar hetimet”, - tha Selmani.

Prokuroria, për vrasjen e Santiago Malkos akuzon Leonard Dukën, Erlis Dukën, Ilir Selmanin, Oltian Logën, Aleksandër Maxhakun, Fatmir Hysenin, Dritan Agës.

Prokuroria thotë se motivi i vrasjes është përplasja e dy grupeve kriminale që ishin të rivalitet për aktivitetin e paligjshëm të lojërave të fatit. Nga njëra anë vëllezërit Duka e njerëzit e tyre, dhe nga ana tjetër ish-polici Malko./CNA