“Nesër godina e PD do të jetë e demokratëve”/ Pollo: Deputetët po ikin nga Basha  

7 Janar 2022, 19:33, Politikë CNA
“Nesër godina e PD do të jetë e demokratëve”/

Ish nënkryetari i Partisë Demokratike, Genc Pollo ka deklaruar se nesër godina e PD do të jetë e demokratëve.

Pollo ka theksuar se kryetari i shkarkuar Lulzim Basha refuzoi të njihte vendimet e Kuvendit dhe se vendi nuk kishte opozitë me të në krye të PD.

Në një dalje televizive, ai shprehet se deputetët e Partisë Demokratike po ikin nga Basha.

?Basha refuzoi të njihte vendimet e Kuvendit. Këtij vendi i duhet opozitë e fuqishme që të ndryshojë edhe qeveria. Do jem pjesë e protestës së demokratëve nesër. Nesër godina iu kthehet demokratëve. Vendi nuk kishte opozitë me Bashën në krye të PD. Unë besoj se godina do i kthehet demokratëve pa ndonjë dramë.

PPE i ka kërkuar Bashës të reflektojë dhe ai refuzoi. Fakti që nuk jep dorëheqjen Basha është irracionale, ndoshta shikon interesa të caktuara apo vepron me idenë që të kapë çfarë të kapë, por ai duhet të kishte ikur më datë 26. U desh puna që të vonoheshim disa muaj, por nesër godina e PD do jetë në duart e demokratëve. Deputetët e PD janë duke ikur nga Lulzim Basha?, deklaroi Pollo./A.E-CNA.al

Lajmet e fundit nga