Vrasja e Azem Hajdarit/ Prokuroria kërkon 25 vite burg për Izet Haxhinë

6 Janar 2022, 12:48, Kronika CNA
Vrasja e Azem Hajdarit/ Prokuroria kërkon 25 vite burg për Izet

Prokuroria ka kërkuar 25 vite burgim për Izet Haxhinë, i cili akuzohet per vrasjen e Azem Hajdarit, i cili u qëllua me armë jashtë godinës së selisë blu, më 12 shtator 1998.

Kujtojmë këtu se Haxhia është arrestuar nga policia turke në vitin 2006, pasi ishte në listën e të kërkuarve të Interpol Tiranës.

Ai kërkoi strehim politik në Turqi, me argumentin se i rrezikohej jeta, por nuk iu miratua azili.

Ai përfitoi vetëm një leje qëndrimi për një kohë të pacaktuar, me kushtin që të mos dilte jashtë Turqisë.

Për 12 vjet me radhë, autoritetet turke kishte refuzuar transferimin e tij në Shqipëri, por në 2018 Gjykata e Lartë Turke aprovoi ekstradimin dhe ky vendim u pranua edhe nga Ministri Turk i Drejtësisë./CNA.al

Lajmet e fundit nga