Përplasi nxënësin dhe u largua nga vendngjarja/ Policia vë në pranga shoferin

6 Janar 2022, 12:04, Kronika CNA
Përplasi nxënësin dhe u largua nga vendngjarja/ Policia vë

Sot në Berat u regjistrua një aksident ku një makinë e tipit BMW, ka përplasur një këmbësor, 16 vjeç, i cili ndodhet në spital nën kujdesin e mjekëve.

Policia ka arrestuar shoferin, i cili pasi e përplasi 16 vjeçarin u largua nga vendi i ngjarjes.

“Sot rreth orës 11:45  në aksin Rrugor, Ura e Goricës-Kombinat, shtetasi B.Q., duke drejtuar një automjet tip “BMW”, ka goditur një këmbësor rreth 16 vjeç dhe është larguar nga vendi ngjarjes.

I dëmtuari është transportuar me ambulancë në Spitalin Rajonal Berat për të marrë ndihmë mjeksore, jashtë rrezikut për jetën.

Shërbimet e policisë organizuan punën dhe bënë të mundur identifikimin dhe kapjen e autorit.

Grupi hetimor po punon për zbardhjen e rrethanave të aksidentit“, njofton policia./ A.E-CNA.al

Lajmet e fundit nga