LEXO PA REKLAMA!

SHKARKO APP

Krimi mafioz në Vlorë/ Gjendet makina e djegur e autorëve

6 Janar 2022, 10:15, Kronika CNA
Krimi mafioz në Vlorë/ Gjendet makina e djegur e autorëve

Në kodrat e fshatit ?Trevllazër? në Vlorë është gjetur e djegur makina Audi Q7, e autorëve që kryen krimin mafioz mbrëmjen e kaluar në Vlorë, ku mbeti i plagosur Diega Hanaj, 36 vjeç.

Sipas Abc news, brenda automjetit janë gjetur edhe dy krehëra me fishekë.  Autorët kanë zgjedhur një kodër me ullishte për të zhdukur gjurmët dhe më pas janë larguar në drejtim të paditur.

Policia ka sekuestruar 6 kamera sigurie ku mendohet se është filmuar ngjarja. Autori i atentatit ende nuk është identifikuar, ndërkohë që policia ka shoqëruar 8 persona që kanë qenë dëshmitarë në vendngjarja.

Drejt Diego Hanaj është qëlluar 5 herë me breshëri kallashnikovi por e ka kapur vetëm një plumb në dorë. 36-vjeçari ka qenë duke ecur në rrugë poshtë pallatit të tij, ndërsa ka diktuar personat që e prisnin dhe është larguar me vrap.

Autorët kanë qëlluar drejt tij dhe më pas janë larguar me një makinë të tipit Audi. Sipas asaj që raportohet në media ngjarja dyshohet të ketë ndodhur për motive hakmarrjeje./ A.E-CNA.al

Lajmet e fundit nga