LEXO PA REKLAMA!

SHKARKO APP

Alarmi nga Omicron/ Mjeku tregon simptomat, ku nga ndryshon nga Delta

6 Dhjetor 2021, 19:25, Lifestyle CNA

Specialist i shëndetit publik në Londër, Laidon Shapo, teksa foli për vaksinimin e detyrueshëm për administratën dhe punonjësit e supermarketeve dhe të qendrave tregtare, u shpreh se shifrat aktuale nuk e justifikojnë këtë vendimarrje.

Por çfarë është varianti Omicron dhe nga ndryshon ai nga Delta?

 ?Ky është një variant që vjen nga Afrika e Jugut dhe nuk është hera e parë që kjo gjë ndodh sepse virusi ka hapësirë në ato zona, ku i jepet mundësi virusit të përhapet. Janë dy linjat ku ky virus ndryshon formë në mënyrë të qenësishme. Omicron nuk ka ndryshim shumë nga Delta në këtë aspekt, pasi të dy kanë bërë aq shumë ndryshime në sipërfaqen virale të proteinës, ky edhe më shumë akoma. Kjo e bën këtë të duket jo thjesht se ka ndryshuar mustaqe ose mjekër, por ka bërë një operacion plastik dhe kjo bën që forcat imunitare të mos e njohin ashtu siç njohin variantet e tjera. Deri tani, të dhënat janë që ai paraqitet në forma jo më të rënda se sa Delta. Të dhënat që na vijnë nga Skocia, ku kishte një infektim prej 48 personash, u pa që ky variant prezantohet me simptoma të lodhjes së madhe, dhimbjes muskulare, dhimbjes së kokës, rrufë, një kruajtje të fytit, por jo kollë.

Pra, pak a shumë me simptoma jo të rënda. Të dhënat paraprake janë që të pavaksinuarit dhe ata me një dozë të vaksinës, ky variant godet më fortë. Pra, është shumë i ngjashëm me Deltën?, u shpreh Shapo./E.T-CNA.al

 

Lajmet e fundit nga