web counter
LEXO PA REKLAMA!

SHKARKO APP

App Store
Google Play

E mori në ‘qafë’ Tik-Toku/ Gjyqtarja e Elbasanit para vettingut, nuk justifikon dot pasurinë

15 Nëntor 2021, 10:25, Aktualitet CNA

Gjyqtarja e pezulluar e Gjykatës së Elbasanit, Enkeleda Kapedani, e cila pushtoi rrjetet sociale, pas publikimit të disa videove skandalozë që ajo hidhte në Tik Tok, ka dalë sot para organeve të vettingut.

Kapedani, ka preferuar të mbrohet vetë dhe nuk ka marrë avokat në seancë. Subjekti është hetuar në tre kriteret, që përfshijnë pasurinë, pastërtinë e figurës dhe aftësitë priofesionale.

?ILDPK ka deklaruar se nuk ka burime te ligjshme për të justifikuar pasurinë, nuk ka bërë deklarim të saktë. Subjekti ka një apartament banimi në vlerën 50 mijë euro në Tiranë. Është një pasuri e krijuar para detyrës së saj si magjistrate. Subjekti është pronare e vetme e apartamentit.

Subjekti ka shpjeguar se babai i  saj ka punuar në Greqi dhe ka patur mundësi financiare. KPK ka kryer hetimin dhe ka rezultuar se familja e saj ka të ardhura për të justifikuar këtë pasuri të blerë para fitimit të statusit të magjistratit?.

Sa i përket pasurisë, gjyqtarja Enkeleda Kapedani të ardhurat i ka nga paga si gjyqtare dhe nga mësimdhënia në privat e më pas në Universitetin Shtetëror të Elbasanit. Gjithashtu, në pasurinë e saj përfshihen dhe ato të bashkëshortit si dhe disa dhurime nga i vëllai në Skoci, në shuma jo të vogla.

Ende nuk dihet sa çfarë vendimi do të marrë Komisioni i Pavarur i Kualifikimit për këtë magjistrate./CNA.al





Lajmet e fundit nga