LEXO PA REKLAMA!

SHKARKO APP

E fundit!

x

Punimet në kantierin e Tunelit të Llogarasë/ Rama: Pjesë e hartës së investimeve, do të shkurtojë kohën

14 Nëntor 2021, 11:29, Aktualitet CNA
Punimet në kantierin e Tunelit të Llogarasë/ Rama: Pjesë e

Kryeministri Edi Rama, ka bërë me dije se punimet në kantierin e Tunelit të Llogarasë kanë nisur.

Rama ka treguar se ky tunel do të shkurtojë kohën, do të japë sigurinë dhe do të ketë lidhje  organike me segmente të tjera.

Kryeministri është shprehur se, po lidhet me një infrastukturë të re komplet që krijon mundësi të reja për turizmin, zonat rurale, për ekonominë e tyre dhe ekonominë tonë kombëtare.

Kjo është një ditë e shënuar në ditën e punëve të mëdha publike, sepse sot nis të realizohet në terren një ëndërr që e ka shoqëruar përgjatë të gjitha dekadave këtë zonë. Projekti ka qenë në sirtarë për 3 dekada ka qenë një nga premtimet e të gjithë atyre që kanë kaluar në fushatë në këto anë dhe ndryshe nga të tjerët siç ka ndodhur edhe me vepra të tjera të mëdha, ne zotimin  e kemi futur në rrugën e jetësimit.  

Ky tunel nuk na sjell vetëm më afër me jugun, por lidh të gjithë pjesën e padukshme të Labërisë, duke ofruar një infrastrukturë të re që krijon mundësi të reja për turizmin, zhvillimin e  zonave rurale dhe për ekonominë.

Ky tunel është pjesë e gjithë kësaj harte investimesh, të cilat po realizohen njëra pas tjetër duke krijuar hap as hapi  një gjerdan në të tërë këtë kurorë të mrekullueshme të natyrës shqiptare.

Tuneli do të bëjë të mundur një shkurtim të konsiderueshme të kohës dhe sigurisë dhe një lidhje organike me segmentin tjetër që është në ndërtim e sipër ai i Orikumit dhe më pas me bypass e Vlorës që është drejt përfundimit me detaje e fundit për të qenë i hapur krejtësisht në sezonin e ardhshëm turistik, më pas në bypass e Fierit nëse shohim drejt veriut.

Nëse shohim drejt jugut, segmenti që lidh Palasën me Dhërmiun duke lehtësuar ndjeshëm qarkullimin në një zonë që po njeh një zhvillim të konsiderueshme të ofertës turistike, duke shkuar edhe më poshtë me atë të Kardhiq-Delvinës, që shkurton kohën e lëvizjes përgjatë gjithë këtij pellgu duke afruar Sarandën me Vlorën dhe ofron turizëm në zonë që deri dje ishte e paaksesushme dhe e panjohur“, ka thënë Rama./ CNA.al

Lajmet e fundit nga