LEXO PA REKLAMA!

SHKARKO APP

Goditet një rast i trafikut ndërkombëtar të drogës/ Kapet 1.2 ton drogë

9 Mars 2020, 12:37, Politikë CNA
Goditet një rast i trafikut ndërkombëtar të drogës/

Një rrjet i trafikut ndërkombëtar të drogës është goditur nga policia greke.

Një sasi prej 1.2 ton lëndë narkotike është sekuestruar nga anti-droga e Igumenicës dhe Athinës.

Mësohet se lënda narkotike është kapur në Athinë, ndërsa mediet fqinje raportojnë se operacioni është zhvilluar ditën e shtunë, por është publikuar sot.

Sipas mediave greke, një rulotë ka kaluar pikën kufitare të Qafë-Botës, duke hyrë në Greqi dhe duke vazhduar udhëtimin.

Rulota është ndaluar në Athinë, ku gjatë kontrollit është zbuluar sasia e madhe e drogës, përkatësisht 1 ton e 145 kg marijuanë, 4 kg e 68 gram hashash çokollatë, si dhe 918 gram vaj hashashi.

Droga mësohet se ka kaluar nga kufiri shqiptar i Qafë-Botës, ndërsa vlera e saj në treg arrinte në 1 milionë e 730 mijë euro. Në pranga kanë rënë dy drejtuesit e rulotës, përkatësisht burrë e grua, ndërsa një tjetër është shpallur në kërkim.

Mediet greke kanë publikuar pamjet e operacionit, ndërsa nuk dihet ende identiteti dhe kombësia e të arrestuarve.

Lajmet e fundit nga