LEXO PA REKLAMA!

SHKARKO APP

Masat drastike/ Basha i pari që zbaton urdhërat e Ramës

9 Mars 2020, 10:38, Politikë CNA
Masat drastike/ Basha i pari që zbaton urdhërat e Ramës

Kryetari i Partisë Demokratike, Lulzim Basha duket të jetë i pari që ka zbatuar urdhërat e kryeministrit Edi Rama, të dhëna sot gjatë mbledhjes së qeverisë.

Rama sot tha se do të anullohen të gjitha eventet, që parashikojnë grumbullime njerëzish, për të parandaluar përhapjen e koronavirusit, dhe i pari që duket se e ka zbatuar menjëherë është Lulzim Basha.

Në një njoftim për mediat, bëhet e ditur se Basha ka vendosur anullimin e dy aktiviteteve publike të parashikuara për pasditen e sotme.

Në Kalanë e Tiranës ishte përgatitur një event kushtuar grave shqiptare për kontributin e tyre në shoqërinë tonë.

Sipas njoftimit të PD, aktiviteti, ku ishte parashikuar pjesëmarrja e rreth 300 grave dhe vajzave, do të zhvillohet në një moment tjetër, kur shëndeti i qytetarëve të mos konsiderohet i rrezikuar.

I njëjti vendim u mor edhe për një tjetër aktivitet të Bashaës Ai kishte planifikuar në orën 15.00 një dëgjesë me mësuesit, pjesë e turit #potedegjoj, por edhe ky event do të shtyhet për një moment tjetër./CNA.al

Lajmet e fundit nga