Pastrimi i parave nëpërmjet mediave/ Si u tentua të blihej Top Channel me fonde offshore

25 Maj 2019, 09:24, Aktualitet CNA

Dosje “978”,e cila tashmë është bërë e njohur si dosjet 339 dhe 184, ka pasur 8 mijë faqe të transkriptuara me përgjime.

Gazetari Artan Hoxha ka treguar se objekti i hetimit të dosjes kanë qenë tranferta të mëdha në vlera 7-8 milionë dollarë, me dyshimin që po vinin nga Afrika në Shqipëri për tu pastruar, përmes Kastriot Ismailaj ish-administratori i DIA, që ndodhet në burg, i dënuar në lidhje me skandalin CEZ-DIA, në bashkëpunim me një shtetase amerikane, Rebeca Gaskin Gain.

Nga kjo dosje voluminoze, ka dalë edhe përfshirja e Presidentit Ilir Meta në blerjen e zgjedhjeve, në kohën që ka qenë kryetar i LSI.

Ky dyshim nuk ka ardhur vetëm nga mesazhet por edhe nga bisedat telefonike mes Metës dhe Kastriot Ismailajt.

Dosja 978 është pushuar që në vitin 2010, gjithashtu edhe përgjimet janë asgjësuar me vendim gjykate po në të njëjtin vit.

Kujtojmë se dosja është pushuar menjëherë pas ardhjes në pushtet të Ilir Metës, në atë kohë bëri aleancë me Partinë Demokratike.

CNA.al, prej disa ditësh ka publikuar pjesë nga dosja në fjalë dhe kryesisht përgjimet.

Në përgjime me Ismailajn përveç Metës kanë dalë gazetarë dhe botues që bënin pazare për blerjen e mediave kombëtare si ?Top Chanel? dhe ?TVA? me para nga kompanitë offshore.

Në një transkript të prokurorisë , Kastriot Ismailaj flet me një person për blerjen e ?Top Channel? në Qershor 2008, vetëm një muaj pasi vdiq pronari, Dritan Hoxha. Ai thotë se ka folur edhe për blerjen e TVA.

Në Dt. 04/03/2009 ndërmjet Kastriot Ismailajt dhe Artan Sevranit, botuesit të TVA, zhvillohet kjo bisedë:

K- Mua më morën ato andej dhe me thanë çfarë tha Sevrani për atë. I thashë do t’i plotësojmë ato shpejt e shpejt. Bëjmë një paketë. Shpejt e shpejt ne bëjmë dhe atë propozimin tjetër, kundrapropozimin. Atë që biseduam bashkë. T’a marrim. Që në qoftë se ata janë të sigurtë. T’i shlyejnë ata. Domethënë ne. Unë me ata.

A- Po.

K- Dhe mbajmë bashkë menaxhimin.

A- Po.

K- Deri në momentin që t’i rrisim vlerën edhe t’ja u japim atyre të tjerëve, t’ia u japim të pastër.

A- Po mirë more e bëjmë pa tjetër.

K- E. Prandaj kërkonin ata edhe kontratën edhe çfare. Kush është investimi. Në ç’shkalle? Për licencën kombëtare.

A-E he!

K-Sepse është ideja që, prandaj e kërkonin licencën të përkthyer që t’a kuptojnë. Në licencë duhet të ketë edhe kritere e gjëra të tjera që duhët plotësuar.

A-Po e vërtetë është, ne e marrim ore vëlla nuk është puna tek licenca. Doni tani ta marrim për pak ditë. Për ndryshe pastaj nuk e merr ajo po

K- Dëgjo vëllai. Takohemi sot

A-Takohemi sot edhe bëjmë një plan konkret.

K-Kështu e bëjmë planin konkret edhe me këtë propozimin tjetër. Jo as Joint-a as pa Joint-a që t’ja japim këtij enti grupit “Cline” të pastër.

K-Sa do i japim 75-80 edhe 10-25-shen e 25-shen i mbajmë vetë.

A- Në rregull

K-Ti nuk ke kundërshtim që me atë ETJ …

K- Sa do japim 75 – mo edhe 20.2%-shen

A-Po pa diskutim or vlla ata janë njisha.

K- Jo jo vetëm atë, Por ata që do të rrisin vlerën

A- Po as nuk diskutohet

K- Duke ia rritur edhe ne jemi, po të jemi aty pjesë e tregut jena në, rregull ne aty. Pra jemi të mbrojtur.

A- Po mirë. Duket si logjikë ajo punë mor Kaç, dakord atëherë

Në dt. 23/06/2008, ndërmjet Kastriotit dhe një shtetasi të quajtur Filip Kovaçek është biseduar lidhur me blerjen e aksioneve të Top – Channel.

Filipi: …Jam Filip Kovaçek….

Kastrioti: Filip, Po pres te reja nga pjesa tjetër takova familjen dhe avokatin, ata duan pak kohë për t’u menduar në lidhje me propozimin. Ata nuk mendojnë ta shesin, po flas për Topin. Unë fola me aksionerin tjetër dhe ata kanë nevojë për kohë ndoshta një muaj e gjysëm, pasi janë pushimet e verës….është e vështirë të bësh bashkë aksionere avokate etj. Ata kanë nevojë për kohë

Filipi- Ok, Unë fola për TVA, për ata situata është e komplikuar TVA për momentin nuk na intereson, unë mendoj që TVA ia vlen për ndonjë lloj investitori që pastron diçka pastaj ai ia shet dikuji .

Kastrioti- Unë fola me atë djalin që ka 60% të aksioneve të TVA.. unë kam punu me avokatët këtu dhe çdo gjë është në rregull, edhe licensa është në rregull, ajo mund te rinovohet

Filipi – OK. Kastrioti. Nëse bashkë me ju do fusim dhe emrin tim, atë do marrim një çmim më të mirë, se ata besojnë në emrin tim, pasi ai djali më tha “nqs do jetë emri jot në biznes unë do të ta jap me çmim më të lirë” ai djali tha që kam 10 vjet që e kam këtë TV dhe nuk e fal kot.. kjo kompani TVA ka të drejta për sportin për 2009 dhe për kampionatin europian. Unë fillova me TVA se ju ma kërkuat në fillim Topi është më i madhi….

Filipi:- Ça mendon kush ia vlen?

Kastrioti: – Unë jam dikushi në market. Unë po flas çdo ditë më ata të Top-it dhe të Digitalbit se janë dy të ndryshme

Filipi : Sa persona janë në Top media aksionerë?/CNA.al

/Vijon/

Përgjimet fundosin Ilir Metën?/ Bleu vota me para të kompanive ofshore, zbardhet skema

Prokurori asgjësoi përgjimet e Ilir Metës/ Gentjan Osmani përfshihet në skandal

Plas skandali/ Ilir Meta bleu zgjedhjet e 2009, zbulohen pazaret e tij

Dosja “978”/ CNA.al paralajmëron publikimin e fakteve të rënda