Connect with Us

Prokurori asgjësoi përgjimet e Ilir Metës/ Gentjan Osmani përfshihet në skandal

Aktualitet

Prokurori asgjësoi përgjimet e Ilir Metës/ Gentjan Osmani përfshihet në skandal

Publikuar

-

Dosja voluminoze “978″ , një pjesë  e së cilës tashmë është publikuar edhe nga CNA.al i ka futur ethet Presidentit Ilir Meta, i cili një ditë më parë sulmoi ndërkombëtarët dhe reformën në drejtësi.

Presidenti Ilir Meta, dyshohet se ka blerë dhe manipuluar zgjedhjet parlamentare të 2009. Ndërkaq, pjesë e këtij skandali janë bërë dhe organet e drejtësisë.

Fillimisht përgjimet kishin nisur ndaj biznesmenit Kastriot Ismailaj në vitin 2008. Dhe në prag të zgjedhjeve vendore dhe pikërisht dy ditë para, Ismailaj ishte kontaktuar nga Meta, i cili i kishte kërkuar para dhe plot 200 mijë euro.

Bëhet fjalë për para që do të vinin nga Afrika dhe vende të tjera për t’u pastruar në Shqipëri, dhe siç duket Ilir Meta , në atë kohë kryetar i LSI, i ka përdorur në zgjedhjet e 2009.

Sipas procesverbalit, të Departamentit të Hetimit të Krimeve në Policinë e Shtetit, që mban datën, 28.06.2009, rezulton se me datë 22.06. 2009, dy ditë para se të mbaheshin zgjedhjet vendore, Kastriot Ismailaj, ishte kontaktuar nga Ilir Meta, i cili i kishte kërkuar 200 mijë me patjetër.

“Nesër në darkë (më 23 qershor), duhet të takohemi patjetër. Më duhen 200 mijë patjetër. Mos harro”, shkruhet në SMS.

Mirëpo këto përgjime që janë në procesverbalin e Policisë dhe që e disponon CNA.al,  janë zhdukur nga prokurori Gentjan Osmanaj.

LEXO EDHE:  Meta batuta me Veliajn para nxënësve/Ja pse nuk iu solli Lali Eri fiq

Të paktën një përgjim i tillë nuk rezulton në vendimin e pushimeve të hetimeve që mban datën 27.12.2010 mbi çështjen penale nr 978/2008.

Të gjithë personat me të cilat Kastriot Ismailaj ka komunikuar rezultojnë të përgjuar dhe të zbardhur në vendim, vetëm përgjimet me Ilir Metën nuk janë.

Ndaj dyshohet se prokurori Gentjan Osmani, i cili aktualisht është prokuror tek Krimet e Rënda si dhe anëtar i Këshillit të Lartë të Prokurorisë,  ka asgjësuar çdo bisedë të përgjuar mes Ilir Metës dhe Kastriot  Ismailajt.

Për më tepër hetimet janë pushuar pavarësisht se nga përgjimet zbardhet skema e lëvizjes së fondeve nga Afrika, Amerika apo Azia në Europë.

Ajo çfarë çudit më tepër është, fakti që edhe pas një viti përgjimesh dhe gjithë informacionit të grumbulluar prokurori ka pushuar hetimet.

CNA.al do të sjellë ditët në vijim përgjimet e zbardhura ku përfshihen botues mediash, biznesmenë dhe jo vetëm, por që për prokurorin Osmani nuk kanë qenë prova. Nëpërmjet përgjitmeve zbardhet dhe skema se si është bërë lëvizja e parave, nga kontinenti në kontinent./CNA.al

Dosja “978”/ CNA.al paralajmëron publikimin e fakteve të rënda

Plas skandali/ Ilir Meta bleu zgjedhjet e 2009, zbulohen pazaret e tij

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Tregon përralla në shëtitjet propagandistike”/ Vokshi rendit arsyet pse Rama nuk e meriton mandatin e tretë

Publikuar

-

Nga

“Tregon përalla në shëtitjet propagandistike”/ Vokshi rendit arsyet pse Rama nuk e meriton mandatin e tretë

Ish deputetja e Partisë Demokratike Albana Vokshi ka renditur arsyet pse Edi Rama nuk e meriton një mandat të tretë.

Në një dalje për mediat, Vokshi u shpreh se gjatë tetë viteve të qeverisjes nga Rama Shqipëria nuk ka bërë asnjë progres në asnjë fushë, përfshirë atë të ekonomisë, arsimit apo edhe infrastruktura.

Sipas saj, vendit i duhet një ndryshim, dhe kjo gjë do vijë në 25 prill nga qytetarët të cilët do nxjerrin Shqipërinë fituese dhe Ramën humbës.

Fjala e plotë e Vokshit:

Edi Rama, i cili ka dështuar në 8 vite në çdo fushë, nuk do të mund të marrë një mandat tjetër nga qytetarët.

Këto 8 vite, Shqipëria ka ngecur me Edi Ramën, ndërsa vende të tjera, të ngjashme me ne, kanë bërë progres dhe zhvillim të jashtëzakonshëm.

Shqipëria nuk ka bërë progres në asnjë fushë, as në ekonomi, as në arsim, as në infrastrukturë.

Edi Rama mund të tregojë përralla në shëtitjet e tij propagandistike elektorale, por njerëzit e vuajnë në lëkurë dështimin e tij 8 vjeçar dhe premtimet e pambajtura.

LEXO EDHE:  Meta batuta me Veliajn para nxënësve/Ja pse nuk iu solli Lali Eri fiq

LEXO EDHE:  Meta dekretoi anëtarët e Gjykatës së Lartë/ Reagon Yuri Kim: Hap pozitiv

Edi Rama nuk ka një bilanc pune në shërbim të qytetarëve. Me qindra mijëra shqiptarë ose janë larguar nga vendi, ose janë varfëruar nën drejtimin e Edi Ramës.

Të rinjtë janë pa punë, pa perspektivë me Edi Ramën, sepse për 8 vjet ai punoi për vete dhe për një grusht klientësh.

Puna e vetme që kryeministri më i dështuar në historinë 30 vjeçare të pluralizmit nuk do që të lërë përgjysëm është shumëfishimi i pasurisë së tij dhe i ministrave. Në 8 vjet, dokumentat zyrtare tregojnë se qeveritarët e Edi Ramës e trefishuan pasurinë e deklaruar.

Sa më shumë flet për një mandat të tretë, aq më shumë i gënjen shqiptarët. Kjo duhet dhe do të marrë fund në 25 Prill! Boll më me kohë të humbur! Humbëm 8 vjet të çmuar me Edi Ramën!

Vendit i duhet ndryshim! Shqiptarët duan ndryshim!

Në 25 Prill Rama do të humbasë, Shqipëria do të fitojë dhe ne do të nisim të punojmë për qytetarët shqiptarë!/CNA.al

LEXO TE PLOTE

Politikë

Ahmetaj inspekton punimet në Fushë Krujë/ “Në pranverë të 2021 nuk do ketë gjurmë të tërmetit”

Publikuar

-

Nga

Ahmetaj inspekton punimet në Fushë Krujë/ “Në pranverë të 2021 nuk do ketë gjurmë të tërmetit”

Ministri për Rindërtimin, Arben Ahmetaj ka inspektuar punimet në një shkollë në Fushë Krujë.

Ahmetaj shprehet se e gjithë zona e dëmtuar nga tërmeti, sot është një kantier ndërtimi. Ai shton se në pranverë të vitit 2021, nuk do të ketë asnjë gjurmë të tërmetit në 11 bashki të vendit.

Ahmetaj inspektoi punimet e shkollës 9-vjecare dhe kopshtit Korb Muça në Fushë- Krujë, që po rindërtohet me financim nga Komisioni Europian dhe zbatim nga UNDP, në kuadër të programit EU4Schools.

“Një shkollë e re për 300 nxënës, me ambientet e palestrës, 10 klasa, 3 laboratorë, dhomën e psikologut e ndërkohë është dhe godina e kopshtit për 30-40 fëmijë. Një shkollë gjithashtu me standard evropian që plotëson të dyja kushtet qoftë Eurocode 8, qoftë ato të Vendimit të  Këshillit të Ministrave, siç janë ndërtuar të gjitha shkollat e Rindërtimit, pavarësisht nga financimi.

Është momenti i duhur për të falënderuar Komisionin Evropian dhe të gjithë donatorët për mbështetjen që na kanë dhënë në procesin e rindërtimit. Janë 100% e granteve nga konferenca e donatorëve të vitit të kaluar, rreth 300 milion euro grante, sot janë të gjitha në veprim, në punë, si kjo shkollë apo si shume projekte të tjera në vazhdim”, tha Ahmetaj.

Ai sqaroi më tej se qeveria shqiptare është në proces edhe për tre 3 kredi të mëdha, ku përfshihet projekti i ujësjellësit të Durrësit me vlerë 65 milion euro me qeverinë franceze.

LEXO EDHE:  Meta dekretoi anëtarët e Gjykatës së Lartë/ Reagon Yuri Kim: Hap pozitiv

LEXO EDHE:  Ilir Meta pas vjedhjes dhe skemes mashtruese të mbledhjes së borxheve ne CEZ

Banka Europiane për Investime, 100 milion euro për banesa sociale dhe infrastrukturë  komunitare si dhe me qeverinë italiane 90 milionë euro me tre shtylla kryesore, mbështetje për Agjencinë e Mbrojtjes Civile, me sektorin e bujqësisë për portet e peshkimit dhe me infrastrukturën e energjisë nëpërmjet OSHEE-së.

“E gjithë zona e dëmtuar nga tërmeti është kantier ndërtimi, 160 shkolla, kaq shumë shkolla nuk janë bërë në 30 vite në Shqipëri. Mbi 4500 njësi banimi dhe do jenë 11 mijë familje që do të përfitojnë apartamente të reja: në Tiranë, tek zona e 5 Majit, në Kombinat që tashmë ka filluar, në Durrës që tashmë ka filluar, në Manzë që fillon javës që vjen, në Thumanë, Fushë-Krujë, Krujë, Kavajë, Golem që kanë filluar, në Rrogozhinë që ka shumë kohë që ka filluar dhe ndërkohë i kemi dhënë familjeve të dëmtuara mbi 100 milion dollarë grante DS1-DS3.

Rindërtimi po ecën me shpejtësi. Është një premtim i mbajtur dhe ashtu siç kemi thënë në Prill të ’22 nuk do të ketë asnjë shenjë nga tërmeti i 26 Nëntorit 2019. Në prill të ’22 të 32 mijë familjet që janë vlerësuar të përfitojnë nga procesi i rindërtimit, do të kenë përfituar falas, do t’i trashëgojnë, do t’i shesin, do t’i japin me qira sipas dëshirës apo nevojës së tyre”, tha Ahmetaj./CNA.al

LEXO TE PLOTE

Sociale

Mbi 11 mijë vaksinime të kryera/ Manastirliu: Të hënën dërgesa e rradhës nga Pfzier

Publikuar

-

Nga

Frigoriferët e vaksinave/ Manastirliu: Mund të ruajmë 250 mijë doza të Pfizer

Ministrja e Shëndetëisë dhe Mbrojtjes Sociale, Ogerta Manastirliu, ka ndjekur nga afër procesin e vaksinimit në Qendrën e Vaksinimit në Arenën Kombëtare, ku po vijon vaksinimi i personelit shëndetësor spitalor dhe të kujdesit shëndetësor parësor.

“Vijojmë vaksinimin në Arenën Kombëtare me stafet mjekësore. Do të vijojmë edhe të shtunën e të dielën me stafet mjekësore dhe të moshuarit mbi 80 vjeç, sipas fashave. Janë rreth 11 mijë vaksinime të kryera deri tani, ndërsa vijojmë të zgjerohemi në territor, duke hapur sot qendrën e vaksinimit në Kukës dhe brenda javës, në Korçë”, u shpreh Ministrja e Shëndetësisë.

Duke folur për intensifikimin e procesit të vaksinimit, Manastirliu u shpreh se do të vijnë sasitë e radhës së vaksinave, duke filluar nga java tjetër.

“Javën tjetër do të vijë dërgesa e radhës nga Pfizer. Me ardhjen e vaksinave, sipas kalendarit të kontratës që kemi lidhur me Pfizer-in, ditën e hënë do të vijojmë të intensifikojmë dhe të shtrijmë në vijim vaksinimin. Gjithashtu pritet që në 10 ditëshin e parë të Marsit, të kemi edhe një dërgesë të parë nga kontrata me Covax-in. Janë planifikuar rreth 14,400 doza, të cilat priten që të vijnë nga kjo marrëveshje e lidhur dhe e parapaguar nga qeveria shqiptare”, bëri me dije Manastirliu.

LEXO EDHE:  Meta flet për dekretimin e Ramës si ministër i Jashtëm/ Më duhet kohë

LEXO EDHE:  Greqia do aborgoje "Ligjin e luftes"

Duke folur për vaksinimin e të moshuarve, Manastirliu tha: “Me përfundimin e mjekëve, infermierëve, gjithë personelit shëndetësor, me përfundimin e vaksinimit të të moshuarve në azile, kujdestarëve të tyre, gjithashtu do të intensifikojmë edhe vaksinimin e të moshuarve dhe do të vijojmë edhe përgjatë ditës së dielë me vaksinimin e të moshuarve +80, duke filluar me fashën +90 vjeçare, duke vijuar vaksinimin”, tha Manastirliu.

Sot po vijon vaksinimi antiCOVID për personelin shëndetësor dhe të moshuarit në Tiranë, Shkodër, Vlorë, Berat, Elbasan dhe Kukës. Deri tani janë kryer mbi 11 mijë vaksinime, nga të cilat 782 janë të moshuar dhe staf që kujdeset për ta./CNA.al

LEXO TE PLOTE