LEXO PA REKLAMA!

SHKARKO APP

Dosja "978"/ CNA.al paralajmëron publikimin e fakteve të rënda

22 Maj 2019, 11:15, Aktualitet CNA
Dosja "978"/ CNA.al paralajmëron publikimin e fakteve të

Presidenti Ilir Meta, në kohën që ka qenë në krye të LSI, dyshohet se është përfshirë në pazare për blerje votash.

CNA.al ka siguruar dosjen hetimore “978” ku në përgjime është kapur, Presidenti Ilir Meta, i cili i kërkonte  biznesmenit Kastriot Ismailaj, para, dy ditë para zgjedhjeve vendore të vitit 2009.

Hetimi për këtë çështje ka nisur me 21 mars 2008, në kohën kur Meta ishte në opozitë. Saktësisht hetimet kanë nisur vetëm një javë para se të ndodhte  shpërthimi i Gërdecit.

Mësohet se përgjimet u ndaluan, vetëm  pasi Meta bëri aleancë me PD pas zgjedhjeve te 28 qershorit 2009.  Ndërsa çështja u pushua pa zhurmë në prag të vitit të ri 2010.

Sot, CNA.al ka raportuar fakte që tregojnë se si u zbulua që Presidenti Meta përgatitej për pazare zgjedhore.

Meta doli në skenë, pas vënies në përgjim  në vitin 2008,  të  ish-administratorit të  DIA-s, Kastriot Ismailajt, i cili është i akuzuar për pastrim të rreth 7 milionë eurove.

Në përgjime është regjistruar edhe SMS e marrë nga Ismailaj nëpërmjet numrit të  telefonit (0682031701) ,  i cili  dyshohet  se është përdorur nga  Meta.

Sipas procesverbalit, të Departamentit të Hetimit të Krimeve në Policinë e Shtetit, që mban datën, 28.06.2009, rezulton se me datë 22.06. 2009, dy ditë para se të mbaheshin zgjedhjet vendore, Kastriot Ismailaj, ishte kontaktuar nga Ilir Meta, i cili i kishte kërkuar 200 mijë me patjetër.

?Nesër në darkë (më 23 qershor), duhet të takohemi patjetër. Më duhen 200 mijë patjetër. Mos harro?, shkruhet në SMS.

Në ditët në vijim, CNA.al do të  hedh dritë se çfarë ndodhi mbi hetimet, pse u pushuan dhe kush ishet prokurori që u bë palë me pazaret zgjedhore.

Ndë të tjera do të raportojmë për fshirjen e përgjimeve nga prokurori i çështjes Gentjan Osmani, në vendimin për pushimin e hetimeve.

Skandali është një këmbanë alarmi për Prokurorinë e Krimeve të Rënda, e cila pavarësisht se është në tranzicion duhet të rihapë hetimet për këtë çështje jo vetëm ndaj Presidentit Ilir Meta, por edhe ndaj prokurorit Gentjan Osmani./CNA.al

Plas skandali/ Ilir Meta bleu zgjedhjet e 2009, zbulohen pazaret e tij

Lajmet e fundit nga