LEXO PA REKLAMA!

SHKARKO APP

Zbardhet letra e Berishës/ Çfarë i kërkonte Ramës në vitin 2006

25 Maj 2019, 07:33, Aktualitet CNA
Zbardhet letra e Berishës/ Çfarë i kërkonte Ramës

Një krizë politike e ngjashme me krizën aktuale, është regjistruar në vitin 2006.

Në atë kohë Opozita, që kryesore nga Edi Rama, i kërkonte, Sali Berishës që në atë kohë ishte kryeministër,  shtyrjen e zgjedhjeve vendore të 2007-s.

Partia Socialiste pretendonte se Qeveria Berisha do të manipulonte zgjedhjet duke lejuar që qytetarët të përdorin si dokument identifikimi certifikatat që lëshonte Zyra e Gjendjes Civile.

Por, Berisha, përmes një letre, i kërkonte që të futej në zgjedhje përmes një dialogu mes palëve, por duke respektuar Kushtetutën.

Sipas Berishës, Presidenti i kishte dekretuar zgjedhjet për në Janar 2007 dhe Kushtetuta e ndalon shtyrjen e datës.

“Duke ndarë me ju të njëjtin shqetësim, dëshiroj t?ju përcjell bindjen time se është në rradhë të parë në interes të qytetarëve, Shqipërisë, shqiptarëve kudo që janë dhe detyrimin e qeverisë dhe të të gjitha forcave politike që zgjedhjet e ardhshme lokale të mbahen në datën e dekretuar nga Presidenti, pra më 20 janar 2007, sikurse sanksionon Kushtetuta, ligji i parë i vendit.

Është e habitshme, sepse opozita kërkoi shtyrje zgjedhjesh gjashtë muaj para datës së tyre, ndërkohë që afrimi i tyre është qëllimi dhe interesi i saj. Natyrisht, sadoqë mund të ndodhë që qeverive ndonjëherë mund t?ju interesojë shtyrja e zgjedhjeve dhe zgjatja e mandateve, fatmirësisht në vendet e lira ato këtë nuk mund t?a bëjnë. Kushtetuta ua ndalon këtë. Kushtetuta e Shqipërisë dhe e çdo vendi të lirë përcakton qartë rrethanat e veçanta, në të cilat mandatet e pushtetarëve mund të zgjaten”, i shkruante Berisha, kryeministër, Ramës në Opozitë./CNA.al

Lajmet e fundit nga