LEXO PA REKLAMA!

SHKARKO APP

Komedia s’paska fund!/Për cilën Ministri flet deputeti i PD?!

15 Gusht 2017, 10:54, Aktualitet CNA

Deputeti i Partisë Demokratike, Luçiano Boçi, ka reaguar pas kallëzimit penal që iu bë një ditë më parë ministres teknike të Arsimit, Mirela Karabina, nga 7 drejtorë të këtij institucioni.

Në rrjetet sociale, Boçi shkruan se shtatë drejtorët e MAS janë përgjegjësi të situatës kaotike në këtë institucion, ndërsa i drejtohen prokurorisë me një akuzë shumë ?delikate?.

Më tej, deputeti shton se 7 drejtorët po ?viktimizohen? për pak ?heroizëm? qesharak, duke shtuar se komedia në këtë ministri nuk ka fund.

Reagimi i plotë:

Të shtatët kundër “Tebës”

Nuk e kam fjalën për tragjedinë e Eskilit në Greqinë Antike joooo!!!
I jam referuar titullit të famshëm për të emërtuar komedinë më të fundit me nota qaramane, por me pompozitet ama, për intimidim e krijim stresi, në Shqipërinë “moderne”!!!!
“Të shtatët kundër Karabinës”.
7 drejtorë të MAS, njëri më përgjegjës se tjetri të situatës kaotike në këtë institucion, i janë drejtuar prokurorisë me një akuzë shumë “delikate”.
Ministrja teknike, sipas këtyre ja paska futur me teknikë.
Na i paska “masakruar” keq fare dhe tani thërrasin në ndihmë Prokurorinë!
Bëjnë sikur nuk ishin këta që e lanë pa telefon e pa asnjë të dhënë të domosdoshme Ministren rishtare, sapo ajo shkeli aty.
Që ia lanë këshilltarët të endeshin korridoreve, pa asnjë kusht minimal dhe pa paga.
Që i dërguan policinë private në zyrë Ministres.
Që sëmureshin sa herë të donin.
Që sorrollasnin pafund vendime e shkresa të domosdoshme në shërbim të normalitetit të MAS.
Që ligjin e shihnin si fletore pune nxënësi mbetës.
Ndërsa sot “viktimizohen” për pak “heroizëm” qesharak!!!
….Komedia s’paska fund në këtë Ministri…/CityNews

Lajmet e fundit nga