Këlliçi “u mbyll gojën” kritikëve/ Respektoj votën

27 Qershor 2022, 20:36, Politikë CNA
Këlliçi “u mbyll gojën” kritikëve/ Respektoj
Anëtari i Kryesisë së Partisë Demokratike, Belind Këlliçi

Anëtari i Kryesisë së Partisë Demokratike, Belind Këlliçi, u është përgjigjur sërish kritikëve për garën e nënkryetarëve të Partisë Demokratike.

Këlliçi tha se ndaj Oerd Bylykbashit dhe Luçiano Boçit gëzon një respekt shumë të madh, ndërsa theksoi se nuk ka arsye që kjo garë të krijojë sensacione.

Është një proces i brendshëm, e cila është analiza ime dhe jona e brendshme. Hyra në një garë, së bashku me tre kolegë të tjerë të nderuar, për të cilët unë kam një respekt shumë të madh. Dy do zgjidheshin, dy u zgjodhën dhe nuk ka asgjë. Jemi në aksionin tonë parlamentar, jemi në opozitë, nuk ka asgjë.

Për sa kohë vendosi vota, nuk ka asnjë problem. Nuk e kuptoj, ka një tentativë prej dy javësh që të bëhet lajm kjo, të bëhet sensacion aq i madh, kur vetë ne aktorët në fjalë, që kemi qenë pjesë e procesit, nuk kemi parë të ketë një problem.

Çështja është e tillë, u vendos me votë. U votuan vetë anëtarët e Këshillit Kombëtar dhe gjykuan që në këto dy pozicione duhet të pozicionohen zoti Oerd Bylykbashi dhe zoti Luçiano Boçi, të cilët unë kam një respekt shumë të madh, kanë edhe një eksperiencë më të gjatë parlamentare se unë dhe janë sot në pozicionet e nënkryetarëve të PD-së. Kaq është”, nënvizoi deputeti./ B.A. – CNA.al

Lajmet e fundit nga