web counter
LEXO PA REKLAMA!

SHKARKO APP

App Store
Google Play

E fundit!

x

Erion Braçe “kapet” me të vetët/ “Shuplakë” Ministrisë së Bujqësisë për blegtorinë

27 Qershor 2022, 18:56, Politikë CNA
Erion Braçe “kapet” me të vetët/
Deputeti dhe ish-zv.kryeministri, Erion Braçe

Deputeti dhe ish-zv.kryeministri, Erion Braçe ka sulmuar sërish të vetët, pas disa të dhënave të publikuar nga INSTAT për blegtorinë në vitin 2021.

Braçe thotë se po ndodh ajo që e kishte paralajmëruar në nëntor të 2018-ës, në Komisionin e Ekonomisë.

Ai sulmon Ministrinë e Bujqësisë dhe kërkon që të ndryshohet TVSH-ja për bujqësinë, në mënyrë që të mos humbim akoma bagëti dhe ushqim.

“65 mijë lopë më pak nga 31 dhjetor 2018!

250 mijë dele dhe 100 mijë dhi më pak nga 31 dhjetor 2018!

131 mijë tonë qumësht më pak nga 31 dhjetor 2018!

INSTAT ka publikuar të dhënat e blegtorisë për vitin 2021!

Shikoni, e urrej të them “ju pata thënë”;

Por rezulton e provuar gjithçka, madje këtë herë me të dhëna nga vetë Ministria e Bujqësisë!

Në nëntor 2018, kur ndryshoi TVSH për bujqësinë, ju thashë e në fund edhe ika nga Komisioni i Ekonomisë, në Kuvend për tre orë me rradhë u mundova të bindja për ta ndaluar pasojën, këtë që e keni me lart në shifra!

Nuk dëgjoi kush!

Po tani? Do vijoni me “e fryn Erioni se nuk është kështu situata”?

A ka vlerë fjala në këtë vend?

Nëse ka, ndryshoni TVSH për bujqësinë që të mos humbim akoma më bagëti, akoma më ushqim!

Duhet prodhuar në vend, duhet bërë tani!”, shkruan deputeti në rrjetet sociale./ B.A. – CNA.al





Lajmet e fundit nga