Protesta e 7 korrikut/ Goxhaj: Sistem frenimi që ndalon rënien e vendit në humnerë

26 Qershor 2022, 20:19, Politikë CNA
Protesta e 7 korrikut/ Goxhaj: Sistem frenimi që ndalon rënien e
Avokati Altin Goxhaj

Avokati Altin Goxhaj e cilëson si të vetmen mënyrë për të reaguar ndaj qeverisë protestën e 7 korrikut, të organizuar nga Partia Demokratike.

Goxhaj tha në "Fax News" se vendi është në rrezik prej 9 vitesh dhe sot ka ardhur në pikën ku mund të kalohet vija e kuqe, ndaj sipas tij, duhet një sistem frenimi që të ndalojë rënien në humnerë.

“Shqipëria është në rrezik prej 9 vitesh dhe sot ka ardhur në pikën ku mund të kalohet vija e kuqe. Situata ku ndodhemi sot është më e rënda dhe nëse e lëmë edhe pak nuk do të kemi më çfarë të bëjmë. Unë besoj se 7 korriku është një moment ku mund të bëjmë kthesën midis standardit që populli ka frikë qeverinë.

Qëllimi i kësaj proteste është të krijojmë një sistem frenimi në mënyrë që të ndalojë rënien e vendit në humnerë. Qeveria vetëm po shton problemet në këtë vend. Kriza e rrogave është tashmë një fakt ku njerëzit po vonojnë të marrin rrogat e tyre. Këto janë rroga bazë për të mbushur barkun me bukë”, theksoi avokati./ B.A. - CNA.al

Lajmet e fundit nga