E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Protesta e 7 korrikut/ PD kujton arsyet pse duhet të jemi në shesh

25 Qershor 2022, 17:19, Politikë CNA

Protesta e 7 korrikut/ PD kujton arsyet pse duhet të jemi në shesh

Foto ilustruese

Partia Demokratike po organizon protestën nën moton “Shqipëria në rrezik!”, më 7 korrik. Fuksionarë dhe deputetë të kësaj force politike çdo ditë po ftojnë dhe ndërgjegjësojnë shqiptarët, pse duhet të jenë në këtë protestë.

Pse ka ardhur koha që të gjithë së bashku, sipas demokratëve, duhet të dalim në shesh për t'i thënë ndal kësaj mënyre qeverisjeje.

Deputeti Belind Këlliçi në rrjetin e tij social, fton shqiptarët t'i bashkohen protestës dhe kërkon për gjithësecili të listojë arsyet e tij, pse duhet të jetë në protestë më 7 korrik.

Po kështu deputeti Edi Paloka shprehet se, -“Protesta po vjen! Më 7 korrik, Shqipëria proteston në Tiranë”.

Nënkryetari i PD-së, Luçiano Boçi, thekson se “e keqja s'duhet pranuar si një realitet i pandryshueshëm! Qytetarët do të protestojnë në 7 korrik, për të treguar se nuk preferojnë të bashkëjetojnë me të keqen! Opozita do të bashkëpunojë me çdo segment të shoqërisë shqiptare, për t'iu ofruar shqiptarëve një alternativë serioze dhe të vërtetë!”

Ndërsa Sekretari i Përgjithëshëm i PD-së, Flamur Noka, kujton situatën ekonomike si arsyet kryesore pse duhet të protestohet. “Situata ekonomike është tejet e rëndë. Çmimet e ushqimeve dhe karburanteve janë ekstremisht të larta dhe të papërballueshme për shumicën dërrmuese. Varfëria ka pushtuar familjet shqiptare, krimi sundon mizorisht dhe korrupsioni e ka bërë jetesën të pamundur në Shqipëri. Vendi po zbrazet nga rinia dhe fuqia punëtore. Qeveria Rama po e distancon Shqipërinë nga Europa dhe Kosova duke e futur shtetin në një rreth interesash antikombëtare, prej ku mund të kemi pasoja fatale dhe të parikuperueshme. Protesta është rruga e përbashkët për të parandaluar shpartallimin ekonomik dhe shpërfytyrimin identitar e kombëtar të Shqipërisë. Borxhi dhe inflacioni janë në kuota historike! Atdheu ynë është në rrezik, prandaj ne të gjithë duhet të ngrihemi në protestë më 7 korrik! Le të jetë protesta më e madhe që ka njohur Shqipëria!”./CNA.al