“Faji nuk është i Bullgarisë”/ Berisha: Rama turpëroi vendin, do ketë kosto

25 Qershor 2022, 13:13, Politikë CNA
“Faji nuk është i Bullgarisë”/ Berisha: Rama
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka komentuar sërish sot gjuhën e përdorur nga kryeministri Edi Rama ndaj Bullgarisë, pas përfundimit të Samitit të BE-së.

Në një postim në rrjetet sociale, Berisha shkruan se gjuha politike e Ramës është e padenjë për një shtetar.

Po ashtu, Berisha thekson së gjuha e Ramës, turpëron dhe ka kosto për vendin dhe çdo shqiptar.

Sipas Berishës, për Rama dhe qeveria e tij janë të vetmit përgjegjës për JO-në e radhës nga BE-ja.

Gjuha politike e Ramës e padenjë për një shtetar.

Ajo turpëron dhe ka kosto për vendin dhe çdo shqiptar.

Të dashur miq, nuk është hera e parë që komunikimi, fjalori dhe etika e Edi Rama, brenda dhe jashtë Shqipërisë, është e padenjë dhe ordinere.

Gjuha politike e papranueshme e Ramës, e paprecedentë dhe e papërgjegjshme, si e asnjë kryeministri tjetër në Europë e përdorur në Samitin e BE-së, si dhe sulmi i drejtpërdrejtë ndaj Bullgarisë, dëshmojnë një sërë problemesh thelbësore për figurën dhe qeverisjen e tij:

1. Rama, i klasifikuar nga politika, gazeta më influente në Bruksel dhe Ëashington si lideri më i dobët në Europe, është një politikan inferior, politikisht dhe intelektualisht, në rajon e më gjerë, i cili përpiqet të zëvendësoje mangësite e mëdha herë me veshje bizare për protokollet zyrtare dhe herë të tjera me sharje, etiketime dhe me palaçollëqet e nivelit më të ulët të përfaqësisë së një vendi anëtar në NATO.

2. Arroganca dhe injoranca e Ramës e nxjerr zhveshur nga kostumi politik, dhe, siç e dimë të gjithë, ai nuk para e ka problem lakuriqësinë.

3. Ai dhe qeveria e tij, më të korruptuarit në Europë, janë të vetmit përgjegjës për JO-në e radhës nga BE-ja. Shqipëria përsëri nuk e mori dritën jeshile të anëtarësimit në Union dhe për këtë sigurisht që ka fajtorë. Kete ai perpiqet te mbuloje duke terhequr vemendjen me gjera te tjera.

4. Kreu i shtetit shqiptar, Kolumbisë së Europës, vendi ku qeveria nuk zhvillon zgjedhje te lira ka për qëllim të tërheqë vëmendjen nga problematikat shkatërrimtare që ka sjellë në vend, duke bërë që mediat europiane dhe vendase të flasin për gjuhën e përdorur dhe jo arsyet reale përse Rames iu refuzua për të treten herë hapja e negociatave

5. Bullgaria as që nuk do tja dijë për demagogjinë dhe katallogjet me piktura që Rama shpërndan nëpër takime lart e poshtë, prandaj edhe Ministria e Jashtme e Bullgarisë del me deklaratë publike kundër qëndrimeve të Ramës në Bruksel.

6. Përgjigja e pafre e Ramës ndaj Ministrisë së Jashtme të Bullgarisë, po me të njëjtën gjuhë të një diletanti e dështaku politik, tregon edhe njëherë se Rama ka për qëllim izolimin e Shqipërisë ne Ballkanin e Putinit dhe jo hapjen e saj drejt BE.

7. Hipokrizia e Ramës shkon deri në pikën kulmore sa të flasë në "interes" të Kosovës ndërkohë që vllazëron me Vuçiçin për projektin e tyre të "Balkanit te Hapur idenë e rikthimit të ish Jugosllavisë nëpërmjet tij.

8. Rama është politikani më i paditur, me i deshtuar në historinë e tranzicionit shqiptar, në fushën e diplomacisë dhe marrëdhënieve me jashtë.”-shkruan Berisha./CNA.al

Lajmet e fundit nga