web counter
LEXO PA REKLAMA!

SHKARKO APP

App Store
Google Play

E fundit!

x

PD përshëndet vendimin e Bullgarisë/ Boçi: Nuk është vetoja shkaku i ngecjes së Shqipërisë

24 Qershor 2022, 16:23, Politikë CNA
PD përshëndet vendimin e Bullgarisë/ Boçi: Nuk
Nënkryetari i PD-së, Luçiano Boçi

Partia Demokratike ka përshëndetur parlamentin bullgar, i cili votoi pro heqjes së VETO-s ndaj Maqedonisë së Veriut, sipas kushteve të propozimit të Presidencës franceze.

Në emër të Partisë Demokratike dhe grupit të saj parlamentar, nënkryetari Luçiano Boçi, tha se beson se nuk është vetoja bullgare arsyeja e moshapjes së negociatave, por një radhë shkaqesh të tjera.

Në një deklaratë për shtyp, Boçi listoi 4 arsyet që mendon se kanë bllokuar integrimin e Shqipërisë në BE.

“Ky është një hap i parë kyç në zhbllokimin e negociatave për anëtarësim të Shqipërisë dhe Maqedonisë së veriut në Bashkimin Europian. Ritheksojmë faljen, që i kërkoi sot Kryetari i Partisë Demokratike kombit bullgar, për gjuhën prej fyesi serial të kryeministrit Rama.

Duke shtuar këtu se, heqja e vetos do ta rifusë procesin e integrimit në shinat e vërteta, ato të meritokracisë. Partia Demokratike beson se nuk është vetoja bullgare arsyeja e moshapjes së negociatave, por një radhë shkaqesh të tjera:

Ndër to:

-Shpopullimi masiv i vendit, që ka derdhur në dyert e Europës më shumë shqiptarë se sa banorë të zonave të luftës në Afrikë dhe Lindje të Mesme; 

-Korrupsioni me shokët ministra dhe shokët e ministrave, një pjesë në kërkim kombëtar e ndërkombëtar;

-Përfshirja në vjedhje të pasurive publike, në trafik droge, dhe dhënia e statusit të investitorit strategjik të familjarëve të ministrave.

-Njolla e zgjedhjeve të manipuluara, që e kemi parë në kaq shumë përgjime e raporte.

-Kur thotë se Europa është më e sëmurë se Putini, ne i kujtojmë zotërisë në fjalë se Shqipëria, nën keqqeverisjen e tij, është kthyer në të ‘sëmurën e Europës’”, theksoi nënkryetari i PD-së./ B.A. – CNA.al





Lajmet e fundit nga